هونەرمەند (فەیسەڵ محەمەد ساڵح) ساڵی 1955 لە گەڕەکی سەعدوناوەی شاری #هەولێر# لەدایکبووە قوتابخانەی سەرەتایی و ناوەندی و ئامادەیی لە هەولێر تەواو کردووە دەرچووی کۆلیژی پەروەردە زانکۆی موسڵ بەشی ئینگلیزی 1978 – 1979 لە-15-10-1981لەگەڵ خاتوو (فائیدە ڕەشید) هاوسەرگیری کردووە کوڕێک و کچێکیان هەیە (ئەحمەد و ڤان) ئەحمەد دەرچووی بەشی ڕاگەیاندنە لە شاری ئەنقەرە ڤان دەرچووی زانکۆی غازییە مامۆستای ئینگلیزییە هونەرمەند لە قۆناغی چواری سەرەتایی خولیای مۆسیقا بووە لەهەمان ساڵ مامۆستای مۆسیقا (ئەحمەد خدر شەنگە) چەند قوتابیەکی هەڵبژاردووە بۆ سروودی مۆسیقا لە قوتابخانەکەیان دوای ڕاهێنان و فێربوون هەموو بەیانیەک سروودەکانی (خوایە وەتەن ئاواکەی/ ئێمە مناڵی جوانین/ نەورۆز) یان دەگوت لەهەمان کاتیش بەشداری نواندنی دەکرد لە بابەتی کە پۆلەکانی قوتابخانە دەیانخوێند وەک (کێیە تەپە تەپ دەکا/ کۆتر و بۆق/ مام ڕێوی) لە 1969-02-21 لە ڕێگای مامۆستا (سەباح عەبدولڕەحمان) بۆ قوتابخانەی ناوەندی هەولێر چەند قوتابییەکی هەڵبژارد بۆ پێکهێنانی تیپێکی شانۆیی جگە لەوەی کاری نواندن دەکات دەستی نووسینی دراماشی هەیە لەوانە درامای (گەڕەکەکەمان) ساڵی 1979 وەک مامۆستای ئینگلیزی دامەزراوە سەرەتا لە قوتابخانەی ناوەندی #چۆمان# دواتر بووەتە بەڕێوەبەر پاشان دواناوەندی مەخمور و پیرداود دواتر ئامادەیی ئازادی و ناوەندی جۆلان بۆ چەند ساڵێک بەڕێوەبەری ناوەندی سەربەستی بووە لەگەڵ دامەزراندنی پەیمانگای هونەرەجوانەکان بووەتە مامۆستای ئینگلیزی دواتر لەهەمان پەیمانگا بووەتە جێگری بەڕێوەبەر دوا قۆناغی مامۆستایەتی لە قوتابخانەی ئیبن مستەوفی ئێواران بووە کارەکانی لە بەشی شانۆی زانکۆی موسڵ بە زمانی عەرەبی لە ساڵی 1974 تا 1978 کە (عصام عبدالرحمن و شيفاء العمري) سەرپەرشتی ئەم بەشەیان دەکرد شانۆگەرییەکان (الثغرة – کەلێن) لە دەرهێنان و نواندنی خۆی (کیف نقعد دون ان تقع) ولید اخلاصی) دەرهێنانی عصام عبدالرحمن (خياطة المحلة – بەرگ درووی گەڕەک) نواندن و دەرهێنانی خۆی کارەکانی لە تەلەفزیۆنی هەرێم لەساڵی 1992 کە (ناسر حەسەن) بەڕێوەبەر بووە دواتر (شێخ سدیق و عوسمان ڕانیەیی) چەند ساڵیک ئەندام بووە لە لیژنەی هەڵسەنگاندنی دراما کە تیپەکانی هەولێر و #سلێمانی# و #دهۆک# بەرهەمەکانیان دەبرد بۆ تەلەفزیۆنی هەرێم بەرهەمەکانی خۆی لەم تەلەفزیۆنە زنجیرە درامای (جوحا) نووسین و نواندنی خۆی دەرهێنانی خۆی و ژیلوان تاهیر/ زنجیرە درامای (وێنەکانی ئەمڕۆ) نووسین و دەرهێنانی خۆی زیاتر لە (60) ئەلقە/ زنجیرە درامای (گەشتیاری) نووسین و دەرهێنانی بە هاوبەشی لەگەڵ وەزارەتی گەشت و گوزار زیاتر لە (50) ئەلقە زنجیرە درامای (تەندروستی) نووسین و دەرهێنانی خۆی زیاتر لە (30) ئەلقە بە هاوبەشی لەگەڵ وەزارەتی تەندروستی ئەو کاتەی کارمەند بووە لە ڕیکخراوی (k o g) بۆ هەڵگرتنەوەی مین زنجیرە درامای (مین و کارەساتەکانی) نووسین و دەرهێنانی خۆی/ زنجیرە درامای (پەک کەوتەکان لە مین) نووسین و نواندنی خۆی دەرهێنانی خەلیل لۆقە درامای (تازە بونەوەی ژیان) وەرگێڕانی دەیان فیلم و کارتۆنی لە زمانی ئینگلیزی و عەرەبی بۆ زمانی کوردی و تۆمار کردنی بۆ بەشی منداڵان لە تەلەفزیۆنی هەرێم ئامادە کردن و پێشکەش کردنی بەرنامەی (شانۆ و مناڵ) بۆ تەلەفزیۆنی هەرێم ئەو دەرهێنەرانەی کاری لەگەڵ کردوون:
(سەباح عەبدولڕەحمان/ تەڵعەت سامان/ فەرهاد شەریف/ سەعدون یونس/ حوسێن میسری/ عصام عبدالرحمن/ واحید مەرجان/ زوهێرعەبدولمەسیح/ سەفوەت جەراح/ سیا مەنسوری/ هیوا سوعاد/هاشم زەینەل ناسر حەسەن/ ژیلوان تاهیر/ سەڵاح حەسەن/ تەحسین شەعبان/ تەنیا کەریم/ جوان ڕۆژبەیانی/ حەسەن عەلوان)
بەرهەمەکانی:
(چارە ڕەش)
(چڵپاو)
(مارەیی)
(مەسەلەی شارێک)
(فاڵچی) (نرخی ئازادی)
(بەرگ درووی ئاخر زەمان)
(کاوەی ئاسنگەر)
(زووحاک)
(مناڵە دارینەکە)
(ئابڕوو)
(پیلان)
(خۆتان بگرن هات)
(محەمەد و سێوێ)
(لاس و خەزاڵ)
(مالەی سەر گردەکە)
(مەڕانە)
(سورمەخان)
(گەڕەکەکەمان)
(کەونە دەرکە)
(ئاسکە)
(خاتوو کڵاوزەر) (
سێوە خان)
(مام سمایل)
(چایخانەی فس فس پاڵەوان)
(خانزاد میری #سۆران#)
(تەرازوو)
(مەمی ئالان)
(کۆلارە)
(قەڵای دم دم)
(بەرەبەیانێکی زوو)
(گوریس)
(مەرزیە و کاکەمین)
(ئەژدیها)
(دابڕانێکی تر)
(حاجی قادری کۆیی)
(بەهەشتی پەنابەران)
(ڕووباری ئاراس)
(بەرەو خۆر)
(فریشتە لە بابل هاتە خوار)
(سێدارە)
(قەدەر)
(تەیمور و ئەنفال)
(قوتابی ژیر)
(کش و مات)
(قوربانی)
(نەورۆزێکی تر)
(ئەنفال – سینەما)
(ئیبراهیم زەبۆک)
(شەوی زەماوەند)
ئۆپەرێتەکان (کاروانی خەبات) (ڕووباری ژیان) (دوورینە) (باران) (تارا).
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,155