خەندان هەستیار
تیمەکانی بەشی زیادەڕەوی لە بەڕێوەبەرایەتی ئاوی سلێمانی، لەمانگی 11ی ئەمساڵدا، بەهۆی بەفیڕۆدانی ئاوی خواردنەوەو شکاوی لە بۆری ماڵەکانیاندا، هەزار و 380 شوێنیان سزاداوە، کۆی پارەی غەرامەکەش 11 ملیۆن و 770 هەزار دینار بووە.
ئامانج جەلال، بەڕێوەبەری ڕاگەیاندنی ئاوی سلێمانی بە (خەندان) ی ڕاگەیاند: لە ماوەی مانگی ڕابردوودا (1-11 تا 30-11-2013)، تیمەکانی بەشی زیادەڕەوی لە بەڕێوەبەرایەتی ئاوی سلێمانی، هەزار و 380 ماڵ و شوێن و دوکانیان سزاداوەو غەرامەیان بۆ کردون، بەهۆی ئەوەی کە ئاوی خواردنەوەیان بە فیڕۆ داوە.
وتیشی: "307 هاوبەشی ئاو، بەشێوەیەکی کاتی ئاوی ماڵەکانیان بڕاوە، بەهۆی نەبوونی تەوافەو شکاوی لە بۆری ماڵەکانیان و دووبارە بە فیڕۆدانەوەی ئاوی خواردنەوەوە".
روونیکردەوە: کۆی داهاتی غەرامەی سەرپێچی ئاو 11 ملیۆن و 770 هەزار دیناربووە.
داواشی لە هاوڵاتیان کرد، پابەندبن بە ڕێنماییەکانی بەڕێوەبەرایەتی ئاوی سلێمانییەوە و ئاوی خواردنەوە بەفیڕۆ نەدەن، بەهۆی ئەوەی بە ڕێگایەکی ئاسان ناگاتە دەستیان.
- 01-12-2013
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 7,409
Escriba su comentario sobre este artículo!