گەنجێکی تری کورد بەناوی عوسمان کە نازناوەکەی خالید کوردی-یە، لە سووریا کوژراوە و ئەمڕۆش ماڵپەرێکی نزیک لە مەلا کرێکار ئەمیری پێشووی ئەنسار ئیسلام بڵاویکردەوە.
بەپێی زانیارییەکانی ماڵپەری دوربین، ئەو گەنجە لە یەکەم ڕۆژی ڕەمەزان گەیشتۆتە سووریا بە مەبەستی جیهاد کردن و هەر لەوێش پەیوەندی کردووە بە چەکدارانی دەوڵەتی ئیسلامی ئێراق-شام کە لەئێستادا بە #داعش# ناویان دەرکردووە.
بەپێی ماڵپەری دوربین، ئەو گەنجە خەڵکی شارۆچکەی #هەڵەبجە#یە و لەشەڕ و پێکدادانەکانی شاری دێرزور کە بەناوچەیەکی گەرمی شەڕی نێوان چەکدارە توندرەوە ئیسلامییەکان و حکومەتی سووریا ناوزەد دەکرێت کوژراوە.
بەپێی زانیارییەکانی دەزگاکانی ئاساییشی هەرێمی کوردستان نزیکەی 200 گەنجە لە هەرێمی کوردستانەوە بەرەو سووریا بە مەبەستی جیهادکردن ڕۆشتوون و لەو مەیدانەشدا تاوەکوو ئێستا یانزە گەنجیان لێ کوژراوە.
-18-12-2013
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 6,943