د ماوێ سالا 2013ێ ل کومەلگەها دەروازێ نیڤدەولەتی ئیبراهیم خەلیل، 537 کیلۆیێن دەرمانان کۆ ب قاچاغی ب نیاز بوون بیننە دناڤ هەرێما کوردستانێ دا، ژ لایێ هوبا دیڤچوونا گشتی و هوبا لێگەریانێ هاتینە دەستەسەرکرن.
نەجمەددین نێروەیی، بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل بو خەندان گوت : د ماوێ سالا 2013ێ، هوبا دیڤچوونا گشتی و هوبا لێگەریانێ ل کومەلگەهێ، 537 کیلۆیێن دەرمانان کۆ هندەک شۆڤێر ب ژڤان بوون ب رێکێن قاچاغ و نە یاسایی بهێنە دناڤ هەرێما کوردستانێ دا دەستەسەرکری نە، ژ واناژی هوبا دیڤچوونا گشتی شیاینە 420 کیلۆیان و هوبا لێگەریانێ ژی 117 کیلۆیان دەستەسەر بکەن..
نەجمەددین نێروەیی گوت ژی : ئەڤ دەرمانە ل چەندین ترۆمبێلێن بارهەلگر یێن تورکی دا هاتینە گرتن و شۆڤێرێن ترۆمبێلان هەول داینە ب رێکەکا قاچاغ و ب رەنگەکێ ڤەشارتی دناڤ ترۆمبێلێ دا، وان دەرمانان دەربازی ناڤ هەرێما کوردستانێ بکەن، لێ خۆشبەختانە ئەو هەموو ژ لایێ کارمەندێن هوبا دیڤچوونا گشتی و هوبا لێگەریانێ ل کومەلگەهێ هاتینە دەستەسەرکرن.
بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل ئەو ژی دیار کر : کۆ ئەڤ دەرمانە د جوراو جور بوون و هندەک ژ وانا وەکۆ مێژۆ د دروست بوون، لێ چونکۆ ب شێوێ قاچاغ ب ژڤان بوون بیننە دناڤ هەرێما کوردستانێ دا، رێک بۆ نەهاتیە دان و هاتینە دەستەسەر کرن.
سەبارەت سزادانا وان کەسێن ب کریارا قاچاغ ئینانا دەرمانان رابووین، نەجمەددین نێروەیی گۆت: هەموو ئەو کەس ل دیڤ یاسایێن گومرکی هاتینە سزا دان و دەرمان ژی هاتینە ژناڤبرن.
- 08-01-2014
Este artículo ha sido escrito en (کرمانجی - کوردیی سەروو) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Este artículo ha sido visitado veces 8,564
Escriba su comentario sobre este artículo!