ڕاپۆرتێکی ڕێکخراوی لێبوردنی نێودەوڵەتی، ئاشکرای کردوە کە لەماوەی دوو هەفتەدا، ئێران 40 کەسی لەسێدارەداوە و زۆرینەی لەسێدارەدانەکانیش، بەهۆی ماددەی هۆشبەرەوە بوون.
بەگوێرەی ڕاپۆرتی ڕێکخراوی لێبوردنی نێودەوڵەتی کە ڕێکخراوێکی جیهانییە، تەنها لەهەفتەی ڕابردوودا، حکومەتی ئێران 33 کەسی لە سێدارەداوە و لە سەرەتای ساڵی 2014یشەوە کە ماوەکەی 17رۆژ دەکات تا بڵاوکردنەوەی ڕاپۆرتەکە، 40 کەسی لەسێدارەداوە کە زۆرینەی لە سێدارەدانەکان، بەهۆی ماددەی هۆشبەرەوە بوون.
لەوبارەیەوە، حەسیبە حاجی سەحرایی، یاریدەدەری بەشی خۆرهەڵاتی ناوەڕاست و باکوری ئەفریقا لە ڕێکخراوەکە، ڕایگەیاندوە: ژمارەی لە سێدارەدراوان لەئێران لەم مانگەدا، جێگەی نیگەرانییە و هەوڵەکانیش بۆ گۆڕینی ڕوخساری ئێران لەئاستی نێودەوڵەتی، بەم چەشنە کارانە، هیچ مانایەکی نامێنێت و داواشی لە ئێران کرد، کۆتایی بە لەسێدارەدان بهێنێت لە وڵاتەکەیدا.
لەساڵی 2013دا، 602کەس لە ئێران بە هۆکاری جۆراو جۆر، لەسێدارە دراون کە لەناویاندا چەندین چالاکوانی کورد هەبوون.
ئێران و چین، دوو وڵاتن کە بەرزترین ئاستی لە سێدارەدانیان هەیە لە جیهاندا.
- 18-01-2014
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 4,990
Escriba su comentario sobre este artículo!