خەندان- رەڤەند گوهەرزی
پتر ژ 35 هزار گەشتیارێن كۆ ڤیایی بۆ جەژنا نەورۆزێ ل هەرێما كوردستانێ بن، ب رێیا كومەلگەها دەروازێ نیڤدەولەتی ئیبراهیم خەلیل هاتینە دناڤ هەرێما كوردستانێ دا.
نەجمەددین نێروەیی، بەرپرسێ راگەهاندنا كومەلگەها دەروازێ نیڤدەولەتی ئیبراهیم خەلیل بۆ خەندان دیار كر: "ل دیڤ ئامارا نڤیسینگەها ئاكنجیبوون و پاسپورتا ئیبراهیم خەلیل، د رۆژێن جەژنا نەورۆزێ دا و ژ رێكەڤتی 18-03-2014ێ، هەتا دوماهیا رۆژا 23-03-2014ێ، 35 هزار و 313 رێڤینگ ب رێیا كومەلگەها دەروازێ نیڤدەولەتی ئیبراهیم خەلیل هاتینە دناڤ هەرێما كوردستانێ دا" .
نەجمەددین نێروەیی ئه و ژی دیار كر : "ژ 35 هزار و 313 رێڤینگێن هاتینە دناڤ هەرێما كوردستانێ، 9 هزار و 156 رێڤینگ هەلگرێن پاسپورتێن عراقی، 24 هزار و 586 رێڤینگ هەلگرێن پاسپورتێن توركی و هزار و 571 رێڤینگ ژی هەلگرێن پاسپورتێن جوراوجور بووینە ".
بەرپرسێ راگەهاندنا كومەلگەها دەروازێ نیڤدەولەتی ئیبراهیم خەلیل ئاماژە دا وێ یەكێ ژی: "ژ 32 هزار و 700 رێڤینگێن ب رێیا كومەلگەها دەروازێ نیڤدەولەتی ئیبراهیم خەلیل بەرەڤ وەلاتێ توركیا و وەلاتێن دیتر چووین، 25 هزار و 354 رێڤینگ هەلگرێن پاسپورتێن توركی، 6 هزار و 632 رێڤینگ هەلگرێن پاسپورتێن عراقی و 714 رێڤینگ ژی هەلگرێن پاسپورتێن جوراوجور بوووینە".
- 24-03-2014
Este artículo ha sido escrito en (کرمانجی) Lenguaje, haga clic en el icono de
para abrir el artículo en el idioma original!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Este artículo ha sido visitado veces 12,205
Escriba su comentario sobre este artículo!