بەپێی ئامارێکی سەنتەری هەماهەنگی هاوبەشی کەلار، کە وێنەیەکی دراوەتە خەندان، لە ماوەی سێ مانگی ڕابردوودا 563 ڕووداو، تۆمارکراون، کە بریتین لە ڕووداوی کوشتن و هاتوچۆ و سووتانی ژنان و چەندین ڕووداوی دیکە.
بەپێی ئامارەکە، لەماوەی سێ مانگدا 116 ڕووداوی هاتوچۆ لە سنوورەکەدا تۆمارکراوە کە بەهۆیانەوە 155 کەس برینداربوون و 20 کەسی دیکەش گیانیان لەدەستداوە، ئەمەش لە کاتێکدایە لە سێ مانگی یەکەمی ساڵی 2013 تەنها 101 ڕووداو تۆمارکرا.
هەر له و سێ مانگەدا پێنج کەس کوژراون و دوو کەسیش خۆیان کوشتووە و شەش کەسی دیکەش هەوڵی خۆکوشتنیان داوە، هەر له و ماوەیەدا شەش ژن لە سنوورەکەدا سووتاون، هاوکات 17 ماڵ و دوکان سووتاون و یەک ئۆتۆمبێلیش گڕی تێبەربوو، ئەمەش لە کاتێکدایە لە ساڵی 2013 و لە یەکەم سێ مانگدا شەش کەس کوژراون و یەک کەسیش خۆی کوشت، بەڵام نۆ کەس هەوڵی خۆکوشتنیان دا.
لە ئامارەکەدا، ڕوونکراوەتەوە، کە لە مانگەکانی کانوونی دووەم و شوبات و ئازاری ئەمساڵ، حەوت هاوڵاتی ونبوون و 24 ڕووداوی شەڕکردنیش ڕوویداوە لەگەڵ پێنج دزیکردنی ماڵان و یەک دزیکردنی ئۆتۆمبێل.
هاوکات پێنج لافاو کەوتوونەتەوه و سێ کەس لە ئاودا خنکاون و یەک کەسیش بەهۆی شۆرتی کارەباوە گیانی لەدەستداوە.
- 02-04-2014
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 6,334
Escriba su comentario sobre este artículo!