هێڤی خالید
بەڕێوەبەری گشتی فەرمانگەی تەندروستی سلێمانی ڕایدەگەیەنێت، نەورۆزی ئەمساڵ لەگەڵ ساڵانی پێشوو جیاواز بووە و هیچ حاڵە تێکی مردن نەبووە، ئاماژە بەوەشدەکات، لەماوەی سێ ڕۆژی ڕابردواد 12 حاڵەتی کەوتن و چوار حاڵەتی شەڕکردن و 24 حاڵەتی ڕوداوی هاتوچۆ هەبووە و سەرجەمیان چارەسەریان بۆکراوە و ڕەوانەی ماڵەوە کراونەتەوە.
د. میران مەحمەد بەڕێوەبەری گشتی فەرمانگەی تەندروستی سلێمانی لە لێدوانێکی بۆ خەندان وتی: "لەماوەی سێ ڕۆژی ڕابردودا 12 حاڵەتی کەوتن و چوار حاڵەتی شەڕکردن هەبووە و سەرجەمیان چارەسەری پزیشکیان وەرگرتووە و ڕەوانەی ماڵەوە کراونەتەوە".
وتیشی: "وەکو ڕۆژانی ئاسایی 120 کەس داخڵی نەخۆشخانە کراون، بەڵام هیچیان پەیوەندییان بە ڕووداوەکانی جەژنی نەورۆزەوە نەبووە".
ئەوەشی خستەڕوو کە، 24 حاڵەتی ڕووداوی هاتوچۆ هەبووە کە پەیوەندی بە نەورۆزەوە نەبووە و برینەکانیان سوک بووە، وە هیچ ڕووداوێکی مردن نەبووە.
بەڕێوەبەری گشتی فەرمانگەی تەندروستی سلێمانی ڕاشیگەیاند، ئەمساڵ جیاواز بووە لە ساڵانی پێشوو ڕووداوەکان بەبەراورد لەگەڵ ساڵی پاردا زۆر کەمی کردووە.
- 23-03-2015
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,728
Escriba su comentario sobre este artículo!