حکومەتی هەرێمی کوردستان بڕی ئه و پارانە ئاشکرا دەکات کە حکومەتی عیراق لەماوەی 4 مانگی سەرەتای 2015 ڕەوانەی کردون کە بڕەکەی تەنها یەک ترلیۆن و 756 ملیار دینارە.
ئاوێنەنیوز: حکومەتی هەرێمی کوردستان لەبەیاننامەیەکدا ڕایگەیاند کە لەماوەی یەک مانگدا بەبڕی نزیکەی 850 ملیار دینار نەوتی هەناردەکردوە، بەڵام حکومەتی بەغدا هیچ مانگێک پارەی تەواوی هەرێمی نەناردوە.
هەر له و بەیاننامەیەدا ئاماژە بەوەشکراوە کە بەغدا لەهەردو مانگی 11و12/2014 یەک ملیار دۆلاری بۆ هەرێم ناردوە، لەکاتێکدا دەبوایە بۆ هەر مانگێکی 10و 11و 12، 500 ملیۆن دۆلار ڕەوانە بکات.
بەپێی بەیاننامەکەی هەرێم، بەغدا لەمانگی 2015/1 تەنها 250 ملیار دینارو مانگی 2 تەنها 491 ملیار دینارو ماگی 3 تەنها 527 ملیار دینارو مانگی 4 تەنها 488 ملیار دیناری ڕەوانەی هەرێم کردوە، کە هەمو ئه و چوار مانگە دەکاتە یەک ترلیۆن و 756 ملیار دینار.
هەر ئه و ناکۆکییانە بوە هۆی ئەوەی کە هەرێم هەڕەشەی بڕینی هەناردەی نەوت بکات لەرێگەی کۆمپانیای بەبازاڕکردنی نەوتی عیراق (سۆمۆ).
- 04-06-2015
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,947
Escriba su comentario sobre este artículo!