ئێوارەی ڕۆژی یەکشەممە 13ـی 3ـی 2016 لە ئەنجامی کردەیەکی تیرۆریستی لە ناوەڕاستی شاری ئانکارای پایتەختی تورکیا ژمارەیەکی زۆری هاووڵاتی گیانیان لەدەست دا و ژمارەیەکی دیکەیش بریندار بوون. وێڕای ئەوەی زۆر بە توندی ئیدانەی ئەو کردەوە نامرۆڤانەیە دەکەین، سەرەخۆشی لە کەسوکاری قوربانیانی ئەو ڕووداوە دڵتەزێنە دەکەین و هیوای چاکبوونەوەیش بۆ برینداران دەخوازین.
تیرۆر و تۆقاندنی هاووڵاتیان و تێکدانی ئاساییش و ئۆقرەیی خەڵک لەژێر هەر پاساو و ناوێکدا بێت کردەیەکی ترسنۆکانە و نامرۆڤانەیە و هەڕەشەیە بۆ سەر ئاساییشی کۆمەڵایەتی و پێکەوەژیان و گرفتەکان قووڵتر دەکاتەوە. ئومێدی ئەوە دەخوازین هەرچی زووترە کۆتایی بە تیرۆر و شەڕانگێزی بێت و ئاشتی و پێکەوەژیان باڵ بەسەر ناوچەکەماندا بکێشێت.
سەرۆکایەتیی هەرێمی کوردستان
14-03-2016
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,272
Escriba su comentario sobre este artículo!