گوندێکە دەکەوێتە بناری چیای #خاڵخاڵان # و لە ڕووی ئیدارییەوە سەربە شارەدێی #ئاغجەلەر#ی شارۆچکەی #چەمچەماڵ#ە، لە قۆناغی چوارەمی پڕۆسەی ئەنفالدا 485 هاووڵاتی ئەو گوندە ئەنفالکران، لەو گوندە تەنیا 10 بۆ 15 کەس ڕزگاربوون، دواتریش نزیکەی 30 کەس لە بەتەمەنەکانی گوندەکە لە نوگرە سەلمان ئازاد کراون. [1]
ناوی گوندەکە لە (چڵەمۆرد) ەوە هاتووە عەرەب بە (جەلەمۆرد ) ناویان بردووە لە نووسراوەکانی حکومەتی ئێراقدا، بۆیە بووە بە جەلەمۆرد، گوندی جەلەمۆرد ساڵی 1988 بەرلەوەی بەر شاڵاوی ئەنفالی چوار بکەوێت (130) ماڵ بووە، ئەم گوندە جوان و دڵگیرەی بناری چیای #خاڵخاڵان# سەر لە بەیانی ڕێکەوتی (05-05-1988) لەگەڵ گزنگی خۆرەتاودا هێزێکی گەورەی سوپای ئێراق کە پێکهاتبوو لە دەیان تانک و زڕیپۆش لەژێر سێبەری چەند هەلیکۆپتەرێکدا بەچاوساغی چەند خائین و خۆفرۆشێک پەلاماری ئەو گوندەیاندا ژن و منداڵ و پیر و پەککەوەتەکانیش لە ترسی ڕەشەبای ئەنفال و چەکی کۆمەڵکوژی کیمیایی پەنایان بۆ شاخەکانی ( دەرباز) و (بابەڕووشە) و (هەزار کانی) بردبوو، ئەو ڕۆژە بانگی نیۆەڕۆ لە مزگەوتی ئاوایی نەدرا، بۆ عەسری هەمان ڕۆژ دەستکرا بەتاڵانکردنی مەڕ و ماڵات و سەروەت و سامانی خەڵکەکەی، بۆ ڕۆژی دووەم (06-05-1988) دوو ئەفسەری ئەنفالچی بەناوەکانی (ملازم نعمە) و (ملازم ستار) بەچاوساغی خۆفرۆشی شارەزا هێزێکی گەورەیان ئامادەکرد و ئابڵوقەی ئەو هەموو خەڵکە دەربەدەریاندا دوای دۆزینەوەیان بەشەق و تێهەڵدان ڕاپێچی بەر ماڵانی گوندی جەلەمۆردیان کردن، دوای ئەوەی زێڕ و زیو و پارەی باخەڵی خەڵکەکەیان بەزۆر دەرهێنا، گریان و شیوەنی ئافرەتان زیڕە و هۆڕی منداڵانی و ناڵەناڵی پیر و پەککەوتەیان دەگەیشتە ( کەشکەڵانی فەلەک) کاکێشانی فەڵەک، (392) مرۆڤی بێ تاوانیان لە خەڵکی ئەم گوندە دایە بەرشەق و بە پاڵەپەستۆ سواری (ئیڤا) ی سەربازییان کردن و بەرەو قەسابخانەکەی ( تۆبزاوا) ، پاش (6) شەش مانگ ئازار و ئەشکەنجەدان و برسیەتی و هەڵقرچان لە بیابانەکانی خوارووی ئێراق لە زیندانی (نوگرە سەلمان) حەوت کەسیان شەهید بوو و حەوت کەسیشیان دوای شەش مانگ ئازادکران و (378) کەسیشیان تا ئێستا بێ سەر و شوێنن. [2]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 8,065