رۆژنیوز - زاهیر ئیبراهیم
پۆلیسی سۆران ئاماژە بۆ ئەوە دەکات، کە ڕێژەی خۆکوشتن لە سنورەکەیان زیادی کردوە و بەپێی ئامارێک، لە ماوەی شەش مانگی ڕابردوودا 10 کەس خۆیان کوشتووە، کە چواریان ژن و شەشیان پیاو بوون.
ئێوارەی ئەمڕۆ لە بەڕێوەبەرایەتی گرتن و گواستنەوەی سۆران، سەربە پارێزگای هەولێر، نەقیب هاوار ئەرگۆشی، بەرپرسی ڕاگەیاندنی پۆلیسی سۆران لە کۆنگرەیەکی ڕۆژنامەوانیدا چەند ئامارێکی ڕاگەیاند.
هاوار ئەرگۆشی، بەرپرسی ڕاگەیاندنی پۆلیسی سۆران ڕایگەیاند: لە مانگی 9ی ئەم ساڵ 12 حاڵەتی دزیکردن تۆمارکراون، لەلایەن کەسێکەوە هەشت حاڵەتی دزیکردنی ئەنجام دراوە، هەروەها چوار دزی تریش لەلایەن چوار نەوجاوانەوە کراوە، دزیەکانیش جۆراوجۆرن وەک پارە و لاپتۆپ و پێداویستی ماڵ.
بەرپرسی ڕاگەیاندنی پۆلیسی سۆران وتیشی: "باندێک دەستگیر کراوە کە چواریان ئەندامی یەک خێزانن و بە ڕەچەلەک عەرەبن و دانیشتووی سۆرانن، هەڵساون بە ساختەکردنی زێڕ، کە زیاتر لە 200 مسقالیان بە زێڕینگەران فرۆشتووە، لە باندەکەدا ئافرەتیش هەیە و لە چوار دادگاش داوای ئه و باندە کراوە."
هەر لە کۆنفرانسە ڕۆژنامەوانیەکەدا ئەرگۆشی ئاماژەی بۆ ئەوە کرد: ئەمساڵ لە سنوری دەڤەری سۆران حاڵەتی خۆکوشتن زیادی کردووە، بە جۆرێک لە شەش مانگی ڕابردوودا 10 کەس خۆیان کوشتووە، لەوانەش چواریان ژن و شەش کەسی تریش پیاو بوون.
جێگای باسە بەهۆی "قەیرانی دارایی"یەوە تا دێت لە باشوری کوردستان تاوان و دزیکردن ڕووی لە زیادبوون دەکات، لە سنوری شاروچکەی سۆرانیش لەماوەی ئەم ساڵدا، پۆلیسی سۆران سێ جار بە فەرمی دەستگیرکردنی باندی لەشفرۆشی و دزی و ساختەکردنی ڕاگەیاندووە.
04-10-2016
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 6,299
Escriba su comentario sobre este artículo!