دواڕۆژ، دلشاد ئەنوەر
ژبەر قەیرانا دارایی و نەدان و گیرۆبۆنا مووچەیێن وان ل باژیرێ ئاکرێ دهەیاما دو سالان 40 نۆژدار واز ل کارێ خۆ ئینایە و هند ژوان بەر ب دەرڤەری وەلاتی چووینە.
دکتور بەشیر تەها رێڤەبەرێ رێڤەبەریا ساخلەمیا ئاکرێ بۆ دۆارۆژ گۆت: "ژبەر قەیرانا دارایی و کێمکرن و نەدانا مووچەیین وان کو ڤان نۆژداران ل ناڤا نەخۆشخانا و بنگەهان دەوام دکر واز ل کاری خۆ ئینایە و هند نۆژداران قەستا دەرڤەیی وەلاتی کرییە ویێن دى ژی چۆینە نەخۆشخانین ئەهلى".
دکتور بەشیر تەها خویاکر ژى کو؛ " نڤیسار بۆ ریڤەبەریا گشتی ل دهۆکی هاتییەهنارتن کو ل ئاکرێ پێدڤی ب 34 نۆژدارین نیشتەجێ خولان و 28 نۆژدارین نەشتەرگەریێن گشتی و 35 نۆژدارین تایبەتمەند ل بیاڤین دی هەیە , سەرەرایی کێمیا دکتۆران لی وان نەهێلا چ بەش ل نەخۆشخانان و تەنگاڤی و بنگەهێ گۆلان بهینە گرتن".
دکتور بەشیر تەها ئەو چەندە دیارکر؛ "د سالا 2013 هاتنا هەژمارەکا نۆژدارێن رۆژئاڤا دهەمی بیاڤاندان وەکر کو ل وی دەمی بنگەهێ سیپە یی شیرەتکاری دانێ ئیڤاری هات ڤەکرن هەتا 12 نۆژداران دەوام لێ دکر و چارەسەریێن پێدڤی بۆ نەخۆشان دهاتەکرن لێی ژبەر چۆنەڤەیا دکتوران بۆی رۆژئاڤا و وازئینانێ ژبەر قەیرانا دارایی تنی دو نۆژدار ماینە ل وی بنگەهێ و ئەگەرێ دائێخستنا وی بنگەهی ساخلەمی هەیە ژبەر نەبوونا نۆژداران و کو بەریا نها ژى بنگەهی ئازادی ژ نەبوونا دکتوران هاتبوو گرتن".
- 17-11-2016