دواڕۆژ، نوسینگەی هەولێر
ئەندامێکی لیژنەی دارایی و ئابووری لە پەڕلەمانی کوردستان ڕایدەگەیەنێت، بەشێوەیەکی گشتی ماوەی زیاتر لە ساڵ و نیوێکە مانگانە 18% بۆ 23% داهاتی نەوت کە پێویستە بدرێت بە فەرمانبەران دەدرێتەوە قەرزی کۆمپانیا نەوتییەکان.
دلشاد شەعبان، ئەندامی لیژنەی دارایی و ئابووری لە پەرلەمانی کوردستان بە دواڕۆژی ڕاگەیاند "مانگانە بڕی 130 ملیۆن دۆلار بۆ 158 ملیۆن دینار کە داهاتی نەوتە و پێویستە وەک ئەولەویەت بدرێت بە فەرمانبەران دەرێتەوە لەبری قەرزی ڕابردووی کۆمپانیا نەوتییەکان، بەمەش مانگانە 18% بۆ 23% لە موچەی فەرمانبەران دەدرێتەوە قەرز".
دلشاد شەعبان، ئەوەشی خستەروو، مانگانە 50 بۆ 75 ملیۆن دۆلار بۆ کرێی کۆمپانیاکان و چەند ملیۆن دۆلارێکیش بۆ وێستگەکانی بەرهەمهێنانی کارەبا و پارەی پترۆدۆلاری کەرکووک دەچێت، بەمەش داهاتی نەوت ناتوانێ نیوە موچەی فەرمانبەرانی بەتەواوی پێبدرێت.
وتیشی "لەم مانگەدا زۆرترین قەزر دراوەتە کۆمپانیا نەوتییەکان کە بڕی 158،528،077 ملیۆن دۆلارە کە دەکاتە 23% داهاتی نەوت لەم مانگەدا، لەکاتێکدا حکومەتی هەرێمی کوردستان هەر بەرمیل نەوتی بە نرخی 35 دۆلار و 5 سەنت فرۆشتووە".
ئه و ئەندامەی لیژنەی دارایی پەرلەمان ڕاشیگەیاند "ئومێدی زۆر هەیە لەگەڵ بەرزبوونەوەی نرخی نەوت و نەمانی قەرزەکانی سەر هەرێم و ئه و ڕیفۆڕمەی حکومەت دەستیپێکردووە دۆخی دارایی هەرێم ئاسایی بێتەوە".
- 18-12-2016
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 6,032
Escriba su comentario sobre este artículo!