- هێزی پێشمەرگە لە سنوری شارۆچکەی #خورماتوو# هێرشێکی چەتەکانی #داعش#-ی تێکشاند و لە ئەنجامنی ئەو ڕووبەڕووبوونەوەدا دوو پێشمەرگە شەهیدبوون.
- سیاسەتمەدارانی پارتی هەرێمە دیموکراتییەکان- #دەبەپە# و پارتی دیموکراتی گەلان- #هەدەپە#،ی شاری بەدلیس، کە لە مانگی 11ی ساڵی 2016 لە چوارچێوەی کودەتای سیاسی ئەکەپەدا دژی ئیرادەی سیاسی گەلی کورد و گەلانی تورکیا دەستگیرکرابوون، بەکۆمەڵ لە زیندانی #بەدلیس# دوورخرانەوە.
- بەپێی هەواڵێکی تۆڕی هەواڵی MSNBC، ئەمڕۆ جۆن مەکین ئەندامی ئەنجومەنی پیرانی ئەمریکا ناڕەزایی توندی نیشان داوە بەرامبەر ئه و هێرشەی پیاوەکانی ئەردۆغان لە واشنتۆنی پایتەختی ئەمریکا کردیانە سەر خۆپیشاندانێکی ئاشتیخوازانە. جۆن مەکین داوای کردوە سەردار کلیتش باڵیۆزی تورکیا لە واشنتۆن دەربکرێت، ئەوەش وەک وەڵامێک بۆ ئه و هێرشە توندوتیژییەی پاسەوانەکانی ئەردۆغان کردیانە سەر خۆپیشاندانێکی ئاشتیخوازیانە.[1]
- بەپێی هەواڵێکی دۆغانی تورکی، بەرەبەیانی ئەمڕۆ کاتژمێر 02:00 لەنێوان گوندەکانی بەشپێنار و دەرە لەناوچە شاخاوییەکانی شەنکایە سوپای تورکیا لەکاتی ئۆپەراسیۆنێکدا ڕووبەڕووی پێنج گەریلای #پەکەکە# بووەتەوە و شەڕ ڕوویداوە.[2]
- بەڕێوەبەری پەروەردەی #کەلار# ئەمڕۆ ڕایگەیاند، لیژنەیەکیان پێکهێناوە بۆ بەدواداچوونی کێشەی ئەو خوێندکارەی گوندی گمە، کە بەوتەی کەسوکارەکەی بەهۆی لێدانی لەلایەن مامۆستایەکەوەوە چاوێکی لەدەستداوە.[3]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 11,553
Escriba su comentario sobre este artículo!