بەڕێزان/
کاکە نما و چیا و چرا خان
خانەوادەی هەڤاڵی تێکۆشەر کاک #نەوشیروان مستەفا#
جڤاتی نیشتمانیی بزوتنەوەی گۆڕان
بەداخ و دڵتەنگییی زۆرەوە هەواڵی ماڵئاوایی یەکجارەکیی هەڤاڵ و دۆستی دێرینم کاکە نەوشیروان مستەفام بیست، کە لە ناخەوە هەژاندمی.
بۆ ئەو کۆستە گەورەیە پرسە و ماتەمینی قوڵی خۆم دەگەیەنم بە جڤاتی نیشتمانیی و ئۆرگانەکانی تری بزوتنەوەی گۆڕان و یەک بەیەکی ئەندامانی خانەوادە و بنەماڵەی تێکۆشەری کاک نەوشیروان.
کاک نەوشیروان مستەفا کەسایەتییەکی گرنگ بو لە بزوتنەوەی نیشتمانیی و دیموکراسیی عێراق و کوردایەتیدا، مێژویەکی دور و درێژ پێکەوەمانی دەبەستەوە هەر لە دەستەی دامەزراندنی (ی.ن.ک) ەوە تا ڕۆژگارە سەختەکانی تری خەبات دژی دیکتاتۆریی و دوای ڕزگاریی و ئازادیی و سەردەم و قۆناغە جیاجیاکانی حوکمڕانیی چ لە هەرێمی کوردستان چ لە عێراقی نوێدا، کە هەمیشە لە هەمو وێستگەکاندا هەڵوێستی نمونەیی پێشکەش کردوە و کەسایەتییەکی کاریگەری نیشان داوە. لەو ماوە دورودرێژەی پێکەوە کارمان کردوە لە مەکتەبی سیاسیی (ی.ن.ک) کاک نەوشیروان نمونەی هەڤاڵ و دۆستی بە ئەمەک بوە کە مایەی شانازیی بوە، لە عێراقی نوێشدا لە کاتی نوسینەوەی دەستوردا ڕۆڵێکی بەرچاوی هەبوە کە جێی ستایشە. بۆیە ماڵئاوایکردنەکەی خەسارەتێکە هەموان بۆی پەرۆش و خەمبارین. لە پەروەردگارمان داوایە گیانی ئەم تێکۆشەرە بە بەهەشتی نەمران شاد بکات، سەبورییش بە هەڤاڵەکانی لە بزوتنەوەی گۆڕان و خانەوادە و بنەماڵەی بەڕێزی و دۆستان و ئازیزانی ببەخشێت و ئەوە دوایین ناخۆشیی بێت.
انا لله و انا الیە ڕاجعون
#فوئاد مەعسوم#
سەرۆک کۆمار
19-05-2017
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 12,667
Escriba su comentario sobre este artículo!