ئەندامێکی #پەرلەمانی کوردستان# ئاشکرایدەکات کە لە میانی سەردانێکیاندا بۆ لای بەرپرسێکی ئێرانی،بەڵێنی چارەسەری کێشەی گرتنەوەی ئاوی سنووری قەزای #پشدەر#یان وەرگرتووە.
#شوان قەڵادزەیی#، ئەنجامی پەرلەمانی کوردستان لە لێدوانێکدا بە (باسنیوز) ی ڕاگەیاند: بەمەبەستی چارەسەری گرفتی گرتنەوەی ئاوی #زێی بچوک# لە سنووری قەزای پشدەر وکاریگەرییە خراپةکاني لە سەر ئاوی خواردنەوەی دانیشتوانی سنوورەکە و بەرهەمی جوتیارانی دەشتی پشدەر و بیتوێن،ئەمڕۆ شەممە (24-6-2017) سەردانی کونسولخانەی #کۆماری ئیسلامی ئێران# مان کرد لەشاری #هەولێر#.
گوتیشی: لە میانی گتوگۆیەکدا لەگەڵ سەرکونسولی ئێران، بابەتی گرتنەوەی (زێی بچوک) مان تاوتوێ کرد کە ماوەی 3 ڕۆژە لەلایەن بەرپرسانی کۆماری ئیشلامی ئێرانەوە گیراوەتەوە،خۆشبەختانە ئەوان بەڵێنیدا بەپەلە لەگەڵ بەرپرسانی باڵای ولاتەکەیان و وپارێزگاری ورمێ وشارەداری سەردەشت گفتوگۆبکەن وکۆتایی بەکێشەکە بهێنن، بۆیە لە ئێستادا چاوەڕێی وەڵامی کردارین ئەوانین.
ماوەی 3 ڕۆژە، لەلایەن کۆمار ئیسلامی ئێرانەوە ئه و ئاوەی کە لە سنووری شاری سەردەشتی ئێرانەوە دێتە سنووری قەزای پشدەری هەرێمی کوردستان گیراوەتەوە بەوەش کاریگەری لەسەر سامانی ماسی و ئاوی خواردنەوەی هاووڵاتیان و جوتیارانی سنووری قەزای پشدەر درووستکردوە.
24-06-2017
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 8,595
Escriba su comentario sobre este artículo!