تۆڕەکانی ئاوی خواردنەوهی ناوچەکانی ئیدری #باکووری کوردستان#، کە بەهۆی توانەوەی بەفری #چیای ئاگری# و دروستبوونی لافاو تێکچووبوون، نۆژەنکرانەوە.
چیای ئاگری، کە بەرزترین چیای باکووری کوردستانە لە ئاستی ڕووی دەریاوە، هەر چوار وەرزی ساڵ بەفری لێ نابڕێت. بەهۆی توانەوەی بەشێک له و بەفرە کە لە وەرزی زستاندا کەڵەکە بووە، لێشاوی ئاوی تواوە بەره و دامێنی چیاکە دروستبوو، ئەوەش بووە هۆی تێکدانی تۆڕی ئاوی گوندەکانی بناری چیاکە.
فەرهات ئاکوش، سکرتێری گشتیی ئیدارەی پارێزگای ئیدر ڕایگەیاند، سەرباری سەختیی کارەکە بەڵام پرۆژەکە بەردەوامە.
لافاوەکە لە دۆڵێکی دامێنی چیاکەوە ڕژا و لافاو دروستبوو. بەهۆی لافاوەکەوە تۆڕی ئاوی گوندی یەنیدۆغان زیانی پێگەیشت و لەکارکەوت. ئەوەبوو پرۆژەکە لەلایەن بەڕێوەبەرایەتی ئیدارەی ئیدرەوە نۆژەنکرایەوە.
سکرتێری گشتیی ئیدارەی پارێزگای ئیدر لەبارەی تەواوبوونی پرۆژەکە دەڵێت، ئێستا بە تەواوی پێداویستییەکانەوە کاردەکەن و کاری پرۆژەکە لە دامێنی چیاکەدایە.
ئەو پرۆژەیە ئاوی پاک بۆ گوندی یەنیدۆغان و دەوروبەری دابیندەکات، ئەگەرچی بەهۆی توانەوەی بەفرو لافاوەوە زیانی پێگەیشتووە، بەڵام دانیشتووانی ناوچەکە بە ئومێدەوە چاوەڕێی چاککردنەوەی تۆڕی ئاوی ناوچەکانیانن.
01-07-2017
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 4,684
Escriba su comentario sobre este artículo!