لەسەرلەبەیانی ئەمڕۆوە لەچەند گوندێکی سنوری ناحیەکانی #خورماڵ# و #بیارە# ئاگرێک کەوتووەتەوە، وتەبێژی بەرگری شارستانی #هەڵەبجە#ش ئاماژە بەوەدەکات بەهۆی سەختی ناوچەکە و بەردەوامی ڕەشەباوە ناتوانین بە ئاسانی کۆنتڕۆڵی بکەین.
ملازم زانیار عومەر، وتەبێژی بەڕێوەبەرایەتی بەرگری شارستانی هەڵەبجە بە دواڕۆژی ڕاگەیاند، لەسنوری گوندی ئەحمەدئاوا و گوڵەخانەی سەر بە ناحیەی خورماڵ ئاگرێکی بەهێز کەوتەوە و تیمەکانی بنکەی ئاگرکوژێنەوەی خورماڵیش گەیشتونەتە شوێنی ئاگرەکە و سەرقاڵی کۆنتڕۆڵکردنەوەیەن، کە بەهۆیەوە بە سەدان دۆنم لەباخ و دارستان و لەوەڕگای سروشتی ناوچەکە سوتاون.
ئاماژەی بەوەشکرد، هەر ئەمڕۆ لە گوندەکانی هاوار و دەرەتوێ لە سنوری ناحیەی بیارە ئاگرکەوتوەتەوە و تائێستاش کۆنتڕۆڵ نەکراوە، هاوکات تائێستا هۆکاری کەوتنەوەی ئاگرەکانمان بۆ ڕون نەبووەتەوە و لێکۆڵینەوەمان دەستپێکردووە، بەڵام بەهۆی ئه و ئاگرانەوە زیان بە سەدان دۆنم لە زەوی و زار و باخ و لەوەڕگاکانی ناوچەکە گەیشتووە و بەهۆی سەرقاڵیمان بە کوژادنەوی ئاگرەکە ئامارێکی وردمان لەبەردەستدا نییە.
وتەبێژەکەی بەرگری شارستانی هەڵەبجە جەختی لەوەشکردەوە، بەهۆی بونی ڕەشەبا و هاوکات سەختی ناوچەکە و نەگەیشتنی ئۆتۆمبێلی ئاگرکوژاندنەوە بووەتە هۆی ئەوەی کە کاری کوژاندنەوە و کۆنتڕۆڵکردنی ئه و ئاگرانە سەختتر بکات.
بەپێی دواین زانیارییەکانیش لە ڕووداوەکەدا کارمەندێکی ئاگرکوژێنەوە برینداربووە و پاش سوتانی نزیکەی 100 دۆنم باخ و دارستان کۆنتڕۆڵکراوە.
01-07-2017
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 5,530
Escriba su comentario sobre este artículo!