قائیمقامی #سلێمانی#، ڕای دەگەیەنێت، شوێنی تایبەت بۆ دەستگێڕ و عارەبانەچییەکان درووستکراوە و ئێستا کاسبکاران دەتوانن لەو شوێنانە کاری خۆیان بکەن، جەختیشی کردەوە لەوەی کەس ناتوانێت مامەڵەی کڕین و فرۆشتن بەو شوێنانەوە بکات، هەرکەسیک کارێکی لەو شێوەیەش بکات، ڕووبەڕووی یاسا دەکرێتەوە.
#ئاوات محەمەد#، قائیمقامی شاری سلێمانی لە لێدوانێکدا بۆ(باسنیوز) ڕایگەیاند : لە چاڵەکەی مزگەووتی گەورەی شاری سلێمانی، 590 شوێنی تایبەت بۆ دەستگێر و عارەبانەچییەکان درووستکراوە و لە ئێستا ئەو کاسبکارانە دەتوانن لەو شوێنانە ئیش و کاری خۆیان بکەن.
گوتیشی: چیتر ڕێگە نادەین دەستگێڕ و عارەبانەچییەکان لەناوەندی بازاڕدا جەنجاڵی بۆ خەڵکی درووست بکەن، چونکە دەمانەوێ سیمای شاری سلێمانی جوان بکەین.
قائیمقامی سلێمانی، جەختیشی کردەوە، کە هیچ کەسێک ڕێگەپێدراو نییە مامەڵەی کڕین و فرۆشتن بەو شوێنانەوە بکات، گوتیشی : ئه و شوێنانە موڵکی حکوومەتن و هەر دەستگێڕ و عارەبانەچییەک شوێنەکەی بفرۆشێت، یاخود بیدا بەکرێ، شوێنەکەی لێ وەردەگیرێتەوە و دواتر ڕووبەڕووی یاساش دەکریتەوە.
لە سەرەتایی مانگی ئاداری ئەمساڵدا قائیمقامی سلێمانی، بڕیاری دا چیتر دەستگێڕ و عارەبانەچییەکان لەنیو بازاڕ و شوێنە گشتییەکاندا نەوەستن، ئەمەش نیگەرانییەکی زۆری ئەو کاسبکارانەی بەدوای خۆیدا هێناوە و لە ئێستاشدا ژمارەیەکی زۆر دەستگێڕ و عارەبانەچی بێ کارن.
02-07-2017
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 4,239
Escriba su comentario sobre este artículo!