ئەگەر #ئاغاژن# حيز بێت، #کارەکەر# چی بکات
ديارە خەڵکی ڕەمەکی و ڕەشۆکی وشەی(حيز) بە پێودانگێکی خێڵەکی لێکدەداتەوە و پێی وايە کە وشەی حيز هاتە ئاراوە بەشێکی زۆری پەيوەندی بە دامێنی مرۆڤەوەيە، بەڵام ئەوە ڕاستيەکە نيە، چونکە وشەی(حيز) پێچەوانەکەی(ئازا)يە، لەبەرگريکردن ئەوەی هەڵمەتی دوژمن ڕاگرێ ئازايە و ئەوەی لەبەری ڕابکات حيزە، سەگی پاسەوانيش ئەگەر بوەڕێ و نەهێڵێت لە ماڵ و کەڵوپەلی خاوەنەکەی نزيک بێتەوە پێی دەوترێت سەگێکی ئازا بەپێچەوانەکەشی پێی دەوترێت سەگێکی حيزە، وشەی حيز پێچەوانەی(ئازا، بێ هەڵوێست، سەخی و دڵواڵا و دڵکراوە و تاد) دێت، ئەم پەندە کورديە لە کوردەواريدا بەکارهاتووە بۆ کەسێک کە پەروەرێنی ماڵ و خاوەن ماڵ بێت و پاسەوانی و هەڵوێست و ئازايەتی نەبێت بۆ ديوەخان و دەروهەيوان و ماڵی خۆی چۆن کارەکەر و غولام و خزمەتگوزرارەکان دەتوانن ئه و خزمەت و بوارەی کاری تێدا دەکەن سەرکەوتوو بن چونکە ئەوان بەندەی گوێڕايەڵن.[1]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,159