خەندان-
لەماوەی 10 ڕۆژی جەژنی ڕەمەزان و پشووەکاندا، 243 هەزار گەشتیار هاتوونەتە هەرێمی کوردستانەوه و ڕێژەکە بۆ دوو هێندەی جەژنی ساڵی ڕابردوو بەرزبووەتەوە.
#نەورۆز مەولود# وەزیری شارەوانی و گەشتوگوزار ئەمڕۆ لە کۆنگرەیەکی ڕۆژنامەنوسیدا ڕایگەیاند، لەماوەی نێوان 22 حوزەیران تا یەکی تەمموز، 243 هەزار گەشتیار هاتونەتە هەرێمی کوردستان.
وتیشی ئه و ڕێژەیە دەکاتە دوو هێندەی ساڵی ڕابردوو، به و پێیەی ساڵی ڕابردوو 122 هەزار گەشتیار هاتبوونە هەرێمی کوردستان.
نەورۆز مەولود باسی لەوەشکرد، بۆ هەر گەشتیارێک 300 دۆلاریان داناوە کە لەکاتی مانەوەی لەهەرێمی کوردستان خەرجی کردبێت، به و پێیەش 73 ملیۆن دۆلار هاتووەتە هەرێمی کوردستانەوە کە چووە بۆ کەرتی تایبەت.
ئەوەشی خستەڕوو کە سەقامگیری و باری ئەمنی و کۆنفرانس و کۆنگرە گەشتیارییەکان، ڕۆڵی کاریگەرییان هەبووە لەراکێشانی گەشتیار.
وەزیری شارەوانی و گەشتوگوزار ڕاشیگەیاند، هەوڵدەدەن لەهەر چوار وەرزەکەی ساڵدا، گەشتیار بەره و ناوچە گەشتیارییەکانی هەرێم ڕابکێشن.
05-07-2017
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 4,360
Escriba su comentario sobre este artículo!