سەرۆکی گشتی #یەکێتی هاوردە و ناردنکاران#ی هەرێمی کوردستان ڕایدەگەیەنێت: تورکیا و ئێران ساڵانە بە بەهای 15 ملیار دۆلار کاڵا هەناردەی هەرێمی کوردستان دەکەن و لەوبڕەش تورکیا دوو هێندەی ئێران کاڵا هەناردەی هەرێم دەکات.
شێخ مستەفا شێخ عەبدولرەحمان سەرۆکی گشتی یەکێتی هاوردە و ناردنکارانی هەرێمی کوردستان بەئاژانسی ئەنادۆڵی ڕاگەیاند: لەکاتی ڕیفراندۆم تورکیا و ئێران سنوورەکانییان بە ڕووی هەرێمی کوردستان داناخەن و بە بەراورد بەساڵی 2015 و 2016 ئەمساڵ هاوردەکردنی کاڵا بۆ هەرێمی کوردستان بەڕێژەی لە 20% زیادی کردووە.
هەروەها ووتیشی: هەرێمی کوردستان پەیوەندییە بازرگانییەکانی لەگەڵ وڵاتانی دەرەوە زۆر بەهێزکردووە، بە تایبەت هەریەک لە تورکیا و ئێران کە زۆرترین کاڵا لە تورکیاوە بۆ هەرێمی کوردستان دێت، پاشان لە ئێرانەوە بۆمان دێت، ئێمە تێبینی دەکەین بە هۆی هەموو بار و زروفێکەوە سنوورەکانی هەرێمی کوردستان بە هیچ شێوەیەک داخستن و ئاڵۆزی بەخۆیەوە نابێت، چونکە ئەو وڵاتانەی کە کاڵا هەناردەی هەرێمی کوردستان دەکەن بە تایبەت تورکیا و ئێران بە پێویستی دەزانن کەوا سنوورەکان واڵا بێت، چونکە ئەوان کاڵای خۆیان هەناردە دەکەن و دەیانەوێت کاڵای خۆیان خەرج بکەن.
سەبارەت بە قەبارەی ئەو هەناردەیەی هەریەک لە تورکیا و ئێران بۆ کاڵاکانییان بۆ هەرێمی کوردستان هەیانە، شێخ مستەفا ئەوەی خستەڕوو: تورکیا بازاڕەکانی هەرێمی کوردستانی کۆنتڕۆڵکردووە و لە هەموو شارەکانی هەرێمی کوردستان کاڵای تورکی هەیە، پاش کاڵاکانی تورکیا کاڵاکانی ئێران دێت، تورکیا ساڵانە لە سنووری 10 ملیار دۆلار هەناردەی کاڵا بۆ هەرێمی کوردستان دەکات و ئێرانیش نزیکەی پێنج ملیار دۆلار کاڵا هەناردەی هەرێمی کوردستان دەکات.[1]
31-08-2017
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,415
Escriba su comentario sobre este artículo!