ئاشکرایە ئێستا هەرێمی کوردستان لە دۆخێکی هەستیاردایە و هێزی پێشمەرگەی کوردستان لەسەنگەری بەرگری و پاراستنی کوردستاندایە. ئەم دۆخە پێویستی بە یەکریزیی گەلی کوردستان و پشتیوانیی هەموان هەیە.
بەتایبەت کەناڵەکانی میدیا دەبێ بەگیانی بەرزی نیشتمانی مامەڵە لەگەڵ ئەم دۆخەدا بکەن و هەوڵی ئەوە بدەن ورەی خەڵک و پێشمەرگە بە بەرزیی بهێڵنەوە، نەک بە پێچەوانەوە.
#وەزارەتی ڕۆشنبیری# و لاوانی حکومەتی هەرێمی کوردستان بە ئەرکی نیشتمانی خۆی دەزانێت کە داوا لەکەناڵەکانی میدیای کوردستان بکات، هەستیاریی بارودۆخی کوردستان بەگشتی و شاری کەرکووک بەتایبەتی لەبەرچاو بگرن و لە خزمەتی یەکریزیی نیشتمانی و بەهێزکردنی ورە و گیانی بەرخودانی هێزی پێشمەرگەی کوردستان و هاووڵاتیاندا بن و بەوپەڕی بەرپرسیارێتی پیشەیی و نیشتمانی مامەڵە لەگەڵ ئەم بارودۆخە هەستیارەدا بکەن. بەپێچەوانەوە وەزارەتی ڕۆشنبیری و لاوان بە ئەرکی خۆی دەزانێت ئه و کەناڵە میدیاییانە ڕووبەڕووی یاسا بکاتەوە کە لە ڕووماڵی کاری میدیاییدا سەرپێچیی یاسا و ڕێنماییەکانی هەرێمی کوردستان دەکەن.
وەزارەتی ڕۆشنبیری و لاوان
16-10-2017
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,714