بەناوی خودای بەخشندەی میهرەبان
شەوی بیست و نۆ لەسەر سیی مانگی دەی دووهەزار و حەڤدە ڕۆژنامەنووس و وێنەگری کوردستان تیڤی #ئەرکان شەریف# لە شارۆچکەی #داقوق# کە لە کۆنتڕۆڵی چەکدارانی #حەشدی شەعبی#ە، بەشێوەیەکی زۆر دڕندانە لە ماڵی خۆی لەلایەن کۆمەڵێک چەکداری دەمامکدار شەهیدکراوە. شەهیدکردنی ڕۆژنامەنووس ئەرکان شەریف نموونەی زۆر ڕوونی ئەو فەرهەنگە شۆڤێنیەیە کە بەزۆری چەک و بە ناحەق خۆی بەسەر ناوچە کوردستانییەکانی دەرەوەی ئیدارەی هەرێم سەپاندووە. کە بەهیچ شێوەیەک بڕوای بە ئازادیی بیروڕا و ژیانی خەڵک نییە. بەرپرسیارێتی شەهیدکردنی ئەرکان شەریف و ئازاردانی خەڵکی ئەو ناوچانە لەسەر شانی ئەو هێزانەیە کە بەشێوەیەکی نایاسایی و نادەستووری خۆیان بەسەر ناوچەکەدا سەپاندووە.
بەم بۆنە خەمناکەوە سەرخۆشیی خۆم ئاراستەی بنەماڵە و کەسوکاری شەهید ئەرکان شەریف و هەموو ڕۆژنامەنووسانی کوردستان و ستاڤی تەلەفزیۆنی کوردستان تیڤی دەکەم.
سڵاو لە گیانی شەهید ئەرکان شەریف و هەموو شەهیدانی کوردستان.
#مەسعود بارزانی#
01-11-2017
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 7,477