سایتی هەولێر - سەجا شێرزاد
دکونگرەیەکی روژنامەوانی دا کو هاتیە پێشکێشکرن ژ لایێ رێڤەبەریا پولیسێن دهوکێ د 10 روژێن بوریدا کو سێ تاوانێن کوشتنێ ل سنورێ پارێزگەها دهوکێ هاتینە ئەنجامدان .
هێمن سلێمان بەردەڤکێ راگەهاندنا رێڤەبەرییا پولیسێن پارێزگەها دهوکێ: تاوانا ئێکێ تاوانا کوشتنێ ل کاشێ بوویە، کو ل شەڤا 24\11\2017 بنگەهێ پولیسا ل قەزا سێمێلێ هاتنە ئاگەهدارکرن ب هەبوونا رویدانەکا کوشتنێ کو گەنجەکێ 32 سالی ب ناڤێ نزار عیسا عومەر ب ترومبێلڤە یێ بێ سەر و شینە و ئێک سەر دویف چوون و ڤەکولین هاتنە کرن ژ لایێ پولیسێن سێمێلێ وپولیسێن نەهێلانا گونەهبارییا و دیاربوو کو ترومبێلا ئەڤی گەنجی کو یێ تاوان لێ کری ل ناحییا فەیدیێ هاتە دیتن ترومبێل تنێ ل وێرێ بوویە و دهەمان شەڤ دا پشتی هەولدان و ماندیبوونەکا زور ژلایێ پولیسێن سێمێلێ و پولیسێن نە هێلانا گونەه باریێ شییان گومان لێکریەکی 37 سالی ب ناڤێ لوقمان رەشید کو زێرەڤانێ کارگەهەکێ بوویە دەستنیشان بکن و بوو ماوێ کێمتر ژ 4 دەمژمێران ئەڤ تاوانبارە هاتە دەستەسەر کرن وهەر چەندە ل دەسپێکی وی کەسی ئەڤ چەندە نەوەیی دیارکریە کو ئەڤ تاوانە ئەنجام دابیت بەلێ پا پشتی نیشاندانا چەند بەلگەیان ئەڤی تاوانباری دان ب تاوانا خوە کریە و دیارکر کو ئەو رابوویە ڤێ تاوانا درندانە و گەنجێ 32 سالی کوشتیە و ئەگەر ژی دڤییا ترومبێلا وی ببەت ژبەر کو ترومبێلەک بها گران هەبوویە داکو بفروشیت.
رویدانە کا دن ژی هاتیە ئەنجامدان ل ناحییا دێرەلوکێ ل روژا 25\11\2017 چەند چەکدارێن نە نیاس کو ترومبێلێن (پیک ئاب تیوتا) هێرشی ترومبێلەکا دن کریە ل سەنتەرێ ناحیا دێرەلوکێ وتەقە ل دوو کەسان کرن دەم ل دەست کەسەکێ گیانێ خوە ژدەست دایە و کەسێ دن ژی دگەلخودا برینە و ل دور پێزانینان وی کەسی ژی گیانێ خوە ژ دەست دایە، بوو زانینا ئەگەرێن ڤێ هێرشێ و ئەو رویدانا هاتیە پێش ڤەکولین ژلایێ پولیسێن نە هێلانا گونەهبارییا ل ئامێدیێ هاتنە کرن داکو ئەڤ تاوانبارێن ب ڤێ تاوانێ رابووین بهێنە ئاشکرا کرن.
تاواتنا سیێ یا کو هاتی ئەنجامدان ل چیایێ زاوا هاتە رونکرن کو ل 24\11\2017 پولیسێن هەوارهاتنێ ل دهوکێ هاتنە ئاگەهدارکرن ب هەبوونا رویدانەکا هاتن و چوونێ کو ترومبێلەکا ژ جورێ (مارسدیس) ب ترومبێلڤە ژچیایێ زاوا ڤە هاتیە خوار و ل وێرێ شوفێری گیانێ خوە ژدەست دایە، پشتی ڤەدیتن ل جهێ رویدانێ هاتیە کرن و لاشێ وی کەسی هاتیە رەوانەکرن بوو نوژداریا داد گەمان دروست بوون کو ئەڤ رویدانەکا هاتن و چوونێ بیتن ئێکسەر بریارا رێڤەبەرێ پولیسێن پارێزگەها دهوکێ لیوا تارق ئەحمەد کو لیژنەیەکا تایبەت بهێتە پێکئینان ژلایێ سەروکاتیا رێڤەبەریا نە هێلانا گونەهبارییا و نڤیسینگەها کوشتنێ کو دەست ب دویفچونێ هاتە کرن و پشتی خرڤەکرنا پێزانیینان و ب هەڤکارییا پاراستنێ و ئاسایشێ کو د شەڤا بووری دا شیان تاوانبارن دەستنیشان بکەن و ل دویفدا ئێک ژوان تاوانباران هاتە دەستەسەرکرن و ئەوی تاوانباری دان پێدان کر کو ل روژا 20\11\2017 کو ژلایێ هەڤالەکێ خوەڤە هاتیە ئاگەهدارکرن کو پلانا کوشتنێ بوو وەلاتی عادل سەدیق یێ بەرنیاس ب (شینو) هاتیە دانان کو بهێتە کوشتن، ئەگەرێ ڤێ تاوانێ ژی بوو وێ چەندێ دیارکرییە کو تاوان لێ کری هەولداینە ئاریشێن جڤاکی ژبوو وێ خێزانێ دروست بکەت و ل دویف گوتنێن وی کو شینو وێ شەڤێ ل مالا خوە مهڤان کریە و دەمێ شینو ژمال ددەرکەڤیت ژپشتێ ڤە ئاسنەکی ل سەری وی ددەت، هەرچەندە شینوی ژی بزاڤ کرینە کو بەرەڤانیێ ژخوە بکەتن لێ تاوانبار سێ کەس بووینە و شیاینە ب چەند دربەکان و ئێکسەر شینو گیانێ خوە ژدەست دایە، تاوانباران شینو کریە دترومبێلا وی دا و بریە چیایێ زاوا کو دکەڤیتە دهوکێ و ل وێرێ شینو ب ترومبێلڤە هاڤێتیە خوارێ داکو دیاربکەن کو رویدانەکا هاتن و چونێ بوویە بەلێ پا پلان سەرنەکەفت لێ نها سێ تاوانبار رەڤینە ب ئانەهییا خودێ دێ هێنە دەستەسەرکرن.[1]
29-11-2017
Este artículo ha sido escrito en (کرمانجی) Lenguaje, haga clic en el icono de
para abrir el artículo en el idioma original!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Este artículo ha sido visitado veces 3,809
Escriba su comentario sobre este artículo!