دواڕۆژ، #هانا چۆمانی#
قایمقامی #هەولێر# ڕایدەگەیەنێت ساڵی 2017 زیاتر لە 35 تەن دەرمانی ماوە بەسەرچوو دەستی بەسەرداگیراوە و لەناو براون، بەپێی ڕێنماییە تەندروستی و ژینگەییەکان، دەیان کۆمپانیاش داخراون.
نەبەز عەبدولحەمید، قایمقامی ناوەندی هەولێر، بەدواڕۆژی ڕاگەیاند، مانگانە و هەفتانە گەڕان و پشکنین بەردەوام بووە لە ساڵی ڕابردوو و ئەمساڵیش 2018 بەهەمانشێوە دەبێت، بۆ ئەوەی ڕێگری لەسەرجەم پێشیلکاری و کارە نایاساییەکانی دژ بە تەندروستی و ژینگە بکەین.
ئەوەشی خستەڕوو، بەهۆی سەرپێچی و نایاسایی و پابەندنەبوون بە ڕێنماییەکان لەساڵی ڕابردوو 11 تاقیگەو 10 کۆمەڵَگەی پزیشکی و 29 نۆرنیگەو 6 سەنتەری پزیشکی داخراون.
قایمقامی ناوەندی هەولێر وتیشی نزیکەی 50 کۆگا و کۆمپانیای و دەرمانخانە بەهۆی خراپی شوێن و نەبوونی لایەنی تەندروستی و زانستی بۆ هەڵگرتنی دەرمان داخراون.
ئاماژەی بەوەشدا، جگە لەوەی 35 تۆن دەرمانی ماوە بەسەرچوو دەستی بەسەرداگیراوە، 10 کۆمپانیا و شوێنی فرۆشتنی دەرمانی گیاییش داخراون.[1]
#02-01-2018#
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,400
Escriba su comentario sobre este artículo!