دواڕۆژ، #بورهان یەحیا#
بەشێ راگەهاندنا کۆمەلگەها دەرگەهێ نێڤدەولەتیێ #ئیبراهیم خەلیل# دا دیارکرن کو، ل سالا 2017ێ لژنەیا ژناڤبرنێ 1240 تەنێن کەرستەیێن جودا زڤراندینە یان ژناڤبرینە و هەر دسالەکێ دا پترى ئێک ملیۆن گەشتیاران ژى هاتنوچۆن ژ ڤى دەرگەهى کرینە.
د راپۆرتا سالانەیا بەشێ راگەهاندنا کۆمەلگەها نێڤدەولەتیێ ئیبراهیم خەلیل، کو دانەیەک بۆ دواڕۆژ هاتییە هنارتن هاتییە کو پار ب شێوەیەکێ گشتى 1 ملیۆن و 321 هزار و 995 رێڤینگان ژ ڤى دەرگەهێ سنۆرى هاتنوچۆن کرییە کو هەلگرێن پاسپۆرێن ئیراقى و تورکى و جوراوجۆر بووینە کو ژوان 677344 رێڤینگ هاتینە ناڤ هەریمێ و 635651 رێڤینک ب رێکا دەروازەێ ئیبراهیم خەلیل چۆینە وەلاتێ تورکیا.
زێدەتر هاتییە کو بنگەهێ ساخلەمیێ ل کۆمەلگەهێ 7495 تەن و 789 کیلۆ کەرستەیێن جوراوجۆر زڤراندینە و تاقیگەها کەرستەیێن ئاڤاهیان 250 تەن و 400 کیلۆ ژ کەرستەیێن ئاڤاهیان زڤراندینە و گەرەنتینا ڤێتەرنەریێ ژى 132 تەن 749 کیلۆ ژ کەرستەیێن وەک گوشت، مریشک و هێک و ئالفی گیانەوەران زڤراندینە.
ئاماژە ب هندێ هاتییەدان کو؛ گەرەنتیا چاندنێ 4238 تەن و 100 کیلۆ ژ کەرستەیێن چاندنێ زڤراندینە و کۆمپانیا نیۆ ستاندرە ژى 101 تەن و 331 کیلۆ ژ کەرستەیێن جوراوجۆر زڤراندینە.
سەبارەت هاتنوچۆنا وەلاتییان ژ ڤى دەرگەهى ژى راگەهاندییە کو؛ ب گۆرەى راپۆرتا نڤیسینگەها پاسەپۆرتا ئیبراهیم خەلیل دیاربوویە ئێک ملیۆن و 321 هزار 995 رێڤینگان ژ هەلگرێن پاسەپۆرتێن ئیراقی و تورکی و جوراوجۆر هاتنوچۆن ژ ڤى دەرگەهى کرییە کو ژوان 677344 رێڤینگ هاتینە ناڤ هەریمێ و 635651 رێڤینگ ب رێکا دەرگەهێ ئیبراهیم خەلیل بۆ وەلاتێ تورکیا چۆینە.[1]
#15-01-2018#
Este artículo ha sido escrito en (کرمانجی) Lenguaje, haga clic en el icono de
para abrir el artículo en el idioma original!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Este artículo ha sido visitado veces 3,414
Escriba su comentario sobre este artículo!