دواڕۆژ، #مادح جەمال#
بەڕێوەبەرایەتی بەرگری شارستانی #کۆیە# زیانە ماددیەکانی سوتانی (15) بینا و باڵەخانەی حکومی و حزبی بەهۆی خۆپیشاندانەکەی مانگی ڕابردوو ڕاگەیاند.
عەلی عەبدوڵا، بەڕێوەبەری بەرگری شارستانی کۆیە ڕایگەیاند لە خۆپیشاندانەکەی (25) ڕۆژ لەمەوبەر لە کۆیە و #تەقتەق# هەریەک لە (قایمقامیەتی کۆیە، دادگای تەقتەق، فەرمانگەی دادنووسی تەقتەق، بینای جێبەجێکردنی داد لە تەقتەق و مۆزەخانە و گەلەری تەقتەق، سەرۆکایەتی شارەوانی تەقتەق، پۆستە و گەیاندنی تەقتەق، بنکەی کشتوکاڵی تەقتەق، بنکەی پۆلیسی هاتوچۆی تەقتەق) ئەو بینا حکومییانە بوون کە زیانیان بەرکەوت.
وتیشی مەکۆی گۆڕان لە کۆیە، ناوچەی پارتی لە کۆیە و تەقتەق، کۆمیتەی یەکێتی لە تەقتەق، بارەگای ڕێکخراوە دیموکراتییەکان لەکۆیە و بنکەی یەکێتی ژنان لە کۆیە کە حزبی بوون، بیناکانیان سوتێنرا لەلایەن خۆپیشاندەرانەوە.
لە 19-12-2017 زنجیرەیەک خۆپیشاندان لە سلێمانی و هەڵەبجە و گەرمیان و ناوچەکانی دوروبەریان ئەنجامدران و لە چەند ناوچەیەک گرژی و توندوتیژی لێکەوتەوە، لە سنوری کۆیەش خۆپیشاندەران چەند بارەگایەکی حکومی و حزبییان سوتاند.
بەڕێوەبەری بەرگری شارستانی کۆیە ڕاشیگەیاند کۆی گشتی زیانەکانی ئەو بینا و بارەگایانەمان خەمڵاندووە بە یەک ملیار و دووسەد و پانزە ملیۆن و چوار سەد و پەنجا هەزار دینار.[1]
#15-01-2018#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 4,286
Escriba su comentario sobre este artículo!