رۆژانە ژمارەیەکی زۆر گەشتیار لە ڕێگەی =KTML_UnderLine=100 کۆمپانیای گەشتیاری=KTML_End=یەوە دێنە باشووری کوردستان، =KTML_UnderLine=تێچووی ڕۆژێک مانەوەی هەر گەشتیارێکیشیان نزیکەی 35 هەزار دینارە=KTML_End=، بۆیە جوڵە دەخەنە شوێنە گەشتیارییەکانی کوردستان.
کۆمپانیا گەشتیارییە عێراقییەکان، ڕۆژانە دوو هەزار و 500 گەشتیار دێننە باشوری کوردستان. بەشی زۆری گەشتی ئه و گاشتیارانە سێ ڕۆژ دەخایەنێت و، خەرجیی هەر گەشتیارێکیش لە ڕۆژێکدا بڕی 35 هەزار دینارە.
بارزان محەممەد، بەڕێوەبەری گەشتوگوزاری سۆران دەڵێ =KTML_Mark_Begin=رۆژانە 100 ملیۆن دینار=KTML_Mark_End= لە شارەکانی عێراقەوە ڕاستەوخۆ لە ڕێگەی گەشتیاران دەهێنرێتە ناوچەکه و، دەتوانین بڵێین ئێستا کەرتی گەشتیاری بووژانەوەی باشی بەخۆیەوە بینیوە.
بەپێچەوانەی قەیرانی دارایی و کەمی بەفربارینی ئەمساڵ، ژمارەی گەشتیاری زستانە لە بەرزبوونەوەدایە، هەرچەند کەرتی تایبەت بنەمای کەرتی گەشتیاری زستانەی لە ناوچە شاخاوییەکاندا بنیادناوە، بەڵام گەشتیاران چاویان لە گۆڕانکاری و دەستەبەرکردنی خزمەتگوزاری زیاترە.
سەلوە ماجد، گەشتیارێکی عەرەبە و دەڵێ دەبوو یاری زیاتر هەبن، بەتایبەتی یاری منداڵان و تەواوی خزمەتگوزارییە گەشتیارییەکان بەردەستبان، چونکە چەند ساڵێکە هیچ گۆڕانکاری نەکراوە.
هاوشێوەی بەرزبوونەوەی ئاستی ئاو، ژمارەی گەشتیارانیش بۆ ئه و ناوچه گەشتیارییانەی کە تەنها بەهار و هاوین کراوەن بەرزبووەتەوە، بەڵام بێ خزمەتگوزاری و داخرانی چێشتخانە و شوێنی حەوانەوەی گەشتیاران.[1]
#19-02-2018#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,660
Escriba su comentario sobre este artículo!