دواڕۆژ، #زریان محەمەد#
بەپێی ڕاپرسییەک کە پەیمانگای کوردی بۆ هەڵبژاردن کە ڕێکخراوێکی ناحکومییە، لە سنوری پارێزگاکانی #سلێمانی# و #هەڵەبجە# و ئیدارەکانی #گەرمیان# و ڕاپەڕین ئەنجامیداوە، 60%ی دانیشتوان داوای سیستمی لامەرکەزی دەکەن.
گمۆ محەمەد، ئەندامی پەیمانگای کوردی بۆ هەڵبژاردن بەدواڕۆژی ڕاگەیاند ڕاپرسییەکە ماوەی (10) ڕۆژی خایاندووە و چوار گروپی تایبەتمەند لە سنوری پارێزگاکانی سلێمانی و هەڵەبجە و ئیدارەکانی گەرمیان و ڕاپەڕین (1500) فۆڕمیان بەسەر هاوڵاتیاندا دابەشکردوو، بەپێی ئەنجامی ڕاپرسییەکەش (60%)ی دانیشتوان داوای سیستمی لامەرکەزی دەکەن.
ڕاشیگەیاند ئەنجامی ڕاپرسییەکەمان داوەتە پەرلەمان و حکومەتی هەرێم و لەرێگەی پرۆژەیاسایەکیشەوە کە گەیەنراوەتە فراکسیۆنەکان داوای هەموارکردنەوەی یاسای ژمارە 3ی ساڵی 2009مان کردوە.
رونیشیکردۆتەوە ئەمڕۆ 18-3-2018 وەک ئەندامانی گروپی لامەرکەزی لە پەیمانگای کوردی بۆ هەڵبژاردن سەردانی دیوانی قائیمقامیەتی قەزای مەرکەزی سلێمانیمان کرد و ئەنجامی ڕاپرسییەکەمان پێشکەشی قائیمقام کرد.
وتیشی ئاوات محەمەد، قائیمقامی سلێمانی ئەنجامدانی ئەو ڕاپرسییەی بە گرنگ ناوبرد و پشتگیری خۆی و ئیدرەی سلێمانی بۆ سەرخستنی کار و پرۆژەکانیان دووپاتکردەوە.
ئاماژەی بەوەشدا قائیمقامی سلێمانی بەڵێنیداوە سەرەڕای پشتگیری لە پرۆژەکانمان بۆ چەسپاندنی سیستمی لامەرکەزی لە هەرێمی کورددستان، کارئاسانی و دەستگیرۆییمان بکات بۆ ئەنجامدانی چەند سیمینارێک لە فەرمانگە حکومییەکانی سنوری سلێمانیدا.[1]
#18-03-2018#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,901
Escriba su comentario sobre este artículo!