دوا بەدوای بەیاننامەی پشتگیری سەندیکا لە مافە ڕەواکانی پزیشکانی ماندوونەناسی کوردستان و ئاڕاستەکردنی داواکانی پزیشکان و چاککردنەوەی موچە و مافەداراییەکانیان بۆ ئەنجومەنی وەزیران و وەزارەتی تەندرووستی، بە هەموووو لایەکی ڕادەگەیەنین کە خۆشبەختانە ئەنجومەنی وەزیران بە شێوەیەکی ڕاستەوخۆ هاتە سەر خەت و بەڵێنی پێداچونەوە بە موچەی پزیشکان و فەرمانبەرانی وەزارەتی تەندرووستییان پێداین کە لە چەند ڕۆژی داهاتوودا چاوپێخشاندنەوە بە مووچەکاندا دەکرێت.
بۆیە لە سۆنگەی هەست کردن بە بەرپرسیارێتی و مامەڵە کردن وەک دامەزراوەیەکی یاسایی لە هەرێمی کوردستان، پزیشکانی خۆشەویست دڵنیا دەکەینەوە کە ماندوو بون و هەڵوێستیان بۆ داواکردنی سادەترین مافی خۆیان و پابەند بوونی زۆربەیان بە بەیاننامەی سەندیکاوە جێگای خۆی گرت و بەگوێرەی وەڵامی حکومەت بەشێکی زۆری کێشەی مووچەکانمان چارەسەر دەکرێن.بۆیە وەکو سەندیکا بەوپەڕی دڵسۆزییەوە چاودێری ئەو هەوڵانە دەکەین و بە هەنگاوێکی ئیجابی دادەنێن و سەندیکاش بەردەوام لایەنی داکۆکیکار و پشتگیریکردن دەبێت لە مافەکانی پزیشکان.
هیوادارین هەروەکو ڕابردوو سەلامەتی گیانی نەخۆش کاری لە پێشینەی هەموان بێت.
#سەندیکای پزیشکانی کوردستان#
#27-03-2018#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 5,246