ئاژانسی کوردپا: ناوەندە نیزامییەکانی حکوومەتی ئێران، بە مەبەستی سازکردنی بنکەیەکی نیزامی، دەستیان داوەتە تێکدانی ناوچەیەکی فراوانی لە دارستانەکانی ناوچەی سەرکەلی شاری #مەریوان#.
بەپێی هەواڵی گەیشتوو بە ئاژانسی هەواڵدەریی کوردپا، لەم چەند ڕۆژەی دواییەدا، دارستانەکانی گوندی سەرکەل بۆ لای گوندی باڵک، سەر بە شاری مەریوان بە بۆردیزڵ و شۆفڵەکانی حکوومەتەوە وێران و بە جادە دەکرێن.
بە وتەی شایەتحاڵان، ئەم جادەیە بۆ شاخی تەقتەقەی سەرکەل بە مەبەستی سازکردنی بنکەیەکی نیزامی لێ دراوە.
درێژی ئەم جادەیە نزیکەی 4 کیلۆمێتر و پانییەکی 7 مێترە، کە لە گوندی سەرکەل دەستی پێ کردووە و لە ماوەی 20 ڕۆژدا کاری 3 لەسەدی ئەم جادەیە تەواو بووە و لە ئێستەدا بەرەو گوندی باڵک دەڕوات.
ئەنجومەنی سەوزی چیای مەریوان، لە کاردانەوە بە تێکدانی دارستانەکانی سەرکەل ڕایگەیاندووە: بە سەرنجدان بە پێویست نەبوونی جادەی سەرکەل بۆ گوندی باڵک لە کاتێکدا کە گوندی سەرکەل خاوەنی جادەیە، لە ڕاستیدا تێکدانی تەواوی دارستانەکانی ناوچەکە، هیچ پاساوێکی ئابووری، کۆمەڵایەتی و ژینگەپارێزی هەڵناگرێت.
ئەم ئەنجومەنە ژینگەپارێزییە لە درێژەدا دەڵێت: ئیدارە و ناوەندەکانی پەیوەندیدار لە کوێی ئەم پرسەدان کە بێدەنگیان هەڵبژاردووە، لە کاتێکدا جادە قەتڵگەی مەریوان- سنە نزیک بە سێ دەیە هێشتا تەواو نەکراوە؟!!
چالاکانی ژینگەپارێزی لەو باوەڕەن، کە تێکدانی دارستانەکانی سەرکەل، زەربەیەکی گەورە لە پەیکەری ئەو دارستانە دەدات، خەسارەکەشی قەرەبوو ناکرێتەوە، لە داهاتوودا زیانی بۆ ژینگەی دەوروبەر و لایەنگرانی ژینگەپارێزی دەبێت.[1]
#17-04-2018#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,856
Escriba su comentario sobre este artículo!