دواڕۆژ، #بورهان یەحیا#
رێڤەبەرێ چاندنێ ل دەڤەردارییا #ئاکرێ# ڕاگەهاند؛ پتری 5200 دۆنەمێن ئەردی ب برنجێ هاتینە چاندن و بەرهەمێ وێ دبیتە 6 هزار تەن لێ تێڕا خەلکێ دەڤەرێ ناکەت.
ئەحمەد جەمیل ڕێڤەبەرێ چاندنێ ل دەڤەردارییا ئاکرێ بۆ دواڕۆژ ڕۆهنکر ڕێژەیەکا مەزن ژ خەلکێ دەڤەرا ئاکرێ مژوولی چاندنا برنجینە چونکو جۆرێ وێ گەلەک باشە و بکڕین تایبەت ب وێ برنجێ هەنە چونکو بهایێ وێ بەرامبەر برنجێ ناڤ بازاڕی گرانترە، خەلک ژی پترییا جاران دفرۆشتن چونکو ئەگەر بکاربینن ژی هەر تێرا دەڤەرا ئاکرێ ناکەت.
ئاماژەکر پشتی هاتنا قەیرانێ حوکمەت نەشێت چ پشتەڤانییەکا وەسا ل جۆتیاران بکەت لەوا پترییا ئەرکێن چاندنێ ل ستوویێ وان بخۆیە لێ بەرهەمەکێ باش ب دەست وان دکەڤیت و پترییا وێ بۆ خوارنگەهان دچن و تایبەت خوارنگەهێن سلێمانیێ.
دیارکر جۆرەکێ برنجێ ڕووسی هەیە کو سیمایێ وێ گەلەک وەکی یا کوردی یە و کیلۆیا وێ ب 2 هزار دیناران دهێتە فرۆشتن و وەسا دیار دکەن کو برنجێ کوردی یە لێ وەسا نینە چونکو برنجێ دروست یێ کوردی بهایێ وێ گرانە و ب گۆرەی جۆرێ وێ ژ 2500 هەتا 5000 هزار دینارانە.
راگەهاند خەلکێ هەژار نەشێت برنجێ کوردی بکڕیت ژبلی وان جۆتیارێن دچینن و هەر ئه و بخۆ دخۆن، لەوا بکڕین وان تایبەتن و پترییا جاران بۆ خوارنگەهان دهێتە هنارتن و ب تایبەت پارێزگەها سلێمانیێ.[1]
#05-07-2018#
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,885
Escriba su comentario sobre este artículo!