بەپێی ئامارێکی بەڕێوەبەرایەتی گشتی توندوتیژی لە هەرێمی کوردستان، تەنها لە 5 مانگی ڕابردوودا 22 ئافرەت کوژراون و 41 ئافرەتیش خۆیان سوتاندووە.
بەپێی ئامارەکە کە وێنەیەکی بۆ دواڕۆژ نێردراوە، لە 5 مانگی یەکەمی 2018دا 22 ئافرەت کوژراون و ئەمەش بەراورد بە 5 مانگی یەکەمی پارساڵ 3 حاڵەت زیادیکردووە، هەر بەپێی ئامارەکان لەماوەی شەش مانگی سەرەتای ئەمساڵدا 41 ئافرەت خۆیان سوتاندووه و زیاتر لە 26 ئافرەتیش کۆتاییان بە ژیانی خۆیان هێناوە.
هەر لە ئامارەکەدا هاتووە لە 5 مانگی یەکەمی ئەمساڵدا زیاتر لە 1950 سکاڵای توتدوتیژی ئافرەتان تۆمارکراوە، پارساڵیش زیاتر لە 9933 سکاڵا تۆمارکراون، له و ڕێژەیەش زیاتر لە 216 دۆسیە یەکلاکراونەتەوە، 5 هەزار دۆسیەش داخراون و 2 هەزار دۆسیەش لەژێر لێکۆڵینەوەدان.
بەپێی ڕاپۆرتەکەی بەڕێوەبەرایەتی توندوتیژی، بوونی چەک و دیاردەی چەکداری هۆکاری سەرەکی بووە لە ئەنجامدانی تاوانەکان و هەروەها هۆکاری ئابووری و کۆمەڵایەتی دوو هۆکاری دیکەی حاڵەتەکانی کوشتن و خۆکوشتنن.
کوردە عومەر، بەڕێوەبەری گشتی توندوتیژی ئافرەتانیش لە #وەزارەتی ناوخۆ#ی حکومەتی هەرێم بۆ دواڕۆژ، ئاماژەبەوەدەکات، تەواوی دامەزراوە پەیوەندیدارەکانی کوردستان بە ئاشتی کۆمەڵایەتی کەمتەرخەم بوون لە ئاست هەڵکشانی ڕووداوەکانی کوشتن و توندوتیژی خێزانی بەگشتی.
وتیشی لاوازی دامەزراوە یاسایییەکان لە ڕووبەڕووبوونەوەی تاوانباران هۆکارێکی سەرەکی بووە لە تەشەنەسەندنی دیاردەی کوشتن لەگەڵ هەبوونی چەک لە دەستی خەڵکدا کە ڕەواجی زیاتری بە کوشتن داوە لە کاتی ڕوودانی کێشەی کۆمەڵایەتی و خێزانیدا.[1]
#12-07-2018#
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,631
Escriba su comentario sobre este artículo!