بەپێی ئامارێکی ڕێکخراوی ئاشتی و ئازادی، لە ماوەی شەش مانگی ڕابردوودا لە هەرێمی کوردستان، 194 پێشلکاری بەرامبەر 322 ڕۆژنامەنووس کراون، کە زۆرترینیان لە هەولێر و سلێمانی بوون.
لە زانکۆی سلێمانی، لە دووەم ڕۆژی کۆڕبەندی کۆمەڵایەتیی کوردستان، پانێڵێکی تایبەت بە میدیا و دیموکراسیەت بەڕێوەچوو، گۆران جەلال، بەرپرسی ڕێکخراوی ئاشتی و ئازادی، ئامارێکی ڕێکخراوەکەی خستەڕوو، کە تایبەت بوو بە و پێشلکاریانەی لەماوەی شەش مانگی ڕابردوودا بەرامبەر ڕۆژنامەنووسان کراون.
بەپێی ئامارەکەی ڕێکخراوی ئاشتی و ئازادی، لە ماوەی شەش مانگی ڕابردوودا 194 پێشلکاری بەرامبەر 322 ڕۆژنامەنووس کراون، کە زۆربەیان لە هەولێر و سلێمانی بوون، پێشێلکارییەکانیش بریتی بوون لە هەڕەشەکردن، لێدان، سووکایەتی دەستگیرکردن و ڕفاندن.
دووەم و کۆتا ڕۆژی کۆڕبەندی کۆمەڵایەتیی کوردستان بە هاوبەشیی هەریەکە لە زانکۆی سلێمانی و کۆڕبەندی کۆمەڵایەتیی عێراق و کوردستان، لەژێر دروشمی 'کوردستانێکی تر لە توانا هەیە' بەڕێوەچوو.[1]
#25-10-2018#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,081
Escriba su comentario sobre este artículo!