دواڕۆژ، کۆچەر عەلی
بەڕێوەبەری گشتی بەنداوەکان لە وەزارەتی کشتوکاڵی حکومەتی هەرێم بە دواڕۆژی ڕاگەیاند: لەسەرەتای وەرزی بارانبارینەوە ئەمساڵ سەرجەم بەنداوە بچووکەکان پڕ ئاو بوون.
ئەکرەم محەمەد، بەڕێوەبەری گشتی بەنداوەکان بە دواڕۆژی وت: تاوەکو ئێستا ئاستی ئاو لە بەنداوی دوکان 270 سانتیم بەرز بۆتەوە و لە بەنداوی #دەربەندیخان#یش 235 سانتیم ئاو بەرز بۆتەوە.
ئاماژەی بەوەشکرد: لە بەنداوی دوکان و دەربەندیخان 820 ملیۆن مەتر سێجا ئاو گڵدراوەتەوە بەجۆریک لە بەنداوی دوکان 500 ملیۆن و لە بەنداوی دەربەندیخانیش 320 ملیۆن مەتر سێجا ئاو گلدراوەتەوە، بەڵام بەهۆی تەکنیکییەوە ناتوانرێت لە بەنداوی دەربەندیخان لەوە زیاتر ئاو گلبدرێتەوە و لە ئێستادا ئه و بڕە ئاوەی زیادە بەردەدرێتەوە.
ئەوەشی خستەڕوو: بەهۆی نەبوونی پڕۆژەی گەورەی ئاودێرییەوە لە هەرێمی کوردستان ئاوی بەنداوەکانی هەرێم بۆ ناوەڕاست و باشوری عیراق دەڕوات.
لە هەرێمی کوردستان 17 بەنداوی گەورە و بچووک و مامناوەند هەیە و ژمارەیەک بەنداوی دیکەش لە لە قۆناغی دیزاینکردندان و بەشێکی دیکەشیان چوونەتە بواری جێبەجێکردنەوە و تائێستا تەواو نەکراون.[1]
#19-12-2018#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 5,208
Escriba su comentario sobre este artículo!