کۆمپانیای دانەغاز ئاشکرايدەکات: بڕی 324 ملیۆن دۆلاری لە میسر و هەرێمی کوردستان و ئیمارەی شاریقە بەرامبەر کارەکانی وەرگرتووە و ئەوەش یارمەتيدەر دەبێت بۆ پاڵپشتیکردنی پلانەکانی بۆ فراوانکردنی کارەکانی.
لە بەیاننامەیەکدا کە لە سایتی فەرمی کۆمپانیای دانەغاز بڵاوکراوەتەوە ڕایگەیاندوە: بەنیازن سێ ساڵی داهاتوودا قەبارەی بەرهەمهێنانی غاز بۆ 500 ملیۆن پێ سێجا لە ڕۆژێکدا و قەبارەی بەرهەمهێنانی لە شلە نەوتییە چڕەکان بۆ 10 بۆ 12 هەزار بەرمیل زیادبکەن.
دەشڵێت: کۆمپانیای بیرل پترۆلیۆم لە مانگی ڕابردووا 322 ملیۆن دۆلار (1.18 ملیار درهەمی ئیماراتی) وەرگرتووە کە پشکی دانەغاز تیایدا 113 ملیۆن دۆلار بووە، هیچ شایستەیەکی دارایشی لای حکومەتی هەرێم نەماوە، بەرێکوپێکی هەمووی وەرگرتووە.
هاوکات پاتریک ئاڵمان وارد، سەرۆکی جێبەجێکاری کۆمپانیای دانەغاز ڕایگەیاندووە: وەرگرتنی شایستەی دارایی کۆمپانیاکەیان دەستکەوتێکی گەورەیە و کاردەکاتەسەر فراوانکردنی کار و چالاکییەکانیان. لە هەرێمی کوردستانیش وەرگرتنی شایستەی دارایی مانگانە بەبێ دواکەوتن وادەکات متمانەیان بەخۆیان زیاتربێت بۆ وەبەرهێنانی زیاتر لە داهاتوودا.
پێشتر کۆمپانیاکە ڕایگەیاند: بەهۆی فراوانکردن و گەشەپێدانی چالاکییەکیان و تەواوکردنی هەڵکەندنی بیری بەلسەم/ 8 کۆی بەرهەمهێنانی نەوت هاوشان بۆ 70 هەزار بەرمیل بەرزببێتەوە، لەکاتێکدا لەسەرەتای ئەمساڵدا 62 هەزار بەرمیل بووە.
لەراگەیەندراوەکە ئەوەش هاتووە: کۆمپانیای پێرڵ پترۆلیۆم لە ئێستادا سەرقاڵی لێدانی چەند بیرێکە لە هەردوو کێڵگەی (خۆرمۆر و #چەمچەماڵ#) و هەرروەها بەنیازە کۆمەڵێک پلانی فراوانکردن جێبەجێ بکات بەمەبەستی زیادکردنی قەبارەی بەرهەمهێنانی غاز بۆ 500 ملیۆن پێ سێجا لە ڕۆژێکدا، هەروەها تا سێ ساڵی داهاتوو قەبارەی بەرهەمهێنانی شلە نەوتییە چڕەکان 10 بۆ 12 هەزار بەرمیل نەوت.[1]
#02-01-2019#
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,657
Escriba su comentario sobre este artículo!