بۆ کۆمەڵگەی نێودەوڵەتی و ڕێکخراوە مرۆڤ دۆستەکانی جیهان و وڵاتانی پێشکەوتووی جیهان، ئێمە وەک پارێزگای هەڵەبجه و هەڵبجەییەکان، ئێمەی کارەساتباری زیندووی بەرۆح کەسیرەبوو، ئێمەی نەوەی دوای 16 ی 3 پەڕگەندەی شاران و دونیا ئێمەی دانیشتوانی پارێزگای #هەڵەبجە#، ئێمەی #شارەزوور#ی، ڕووی دەممان دەکەینە ئێوەی مرۆڤ دۆست و ئێوەی وڵاتانی خاوەن نفوزو ئێوەری ڕێکخراوە حکومی و ناحکومییەکان و پێتان دەڵێین، دڵنیاین لە ڕۆڵی گەوره و گرنگتان لە مێژوودا کە چۆن هەمیشە هاوکاری لێقەوماوانی دونیاو خەڵکانی زوڵم لێکراوبوون و بەبێ گوێدانە ڕەگەزو ڕەنگ و ئاین و مەزهەب و بەبێ گوێ دانە نەتەوەیی ئاسیایی و ئەفریقی و ڕۆژئاوایی و ڕۆژهەڵاتی بەتەنگ گەلان و نەتەوه و تاکەکانی سەر هەسارەی ئەم گۆی زەوییەوە هاتوون، ئەوا هیوادارین به و چەشنەش کە مێژووی لەمێژیینەوە خۆتانە، گوێ لە هەناسەی خنکاوی ڕۆڵەکانی 16ی 3 و لە چاوی پڕلە فرمێسکی باوکانی 16ی 3 و لە ئاهو نزولەی دایکانی 16 ی 3 لە پارێزگای هەڵەبجە بگرن و لایەک لە مێژووی پڕ کارەسات و نەهامەتی خەڵکی ئەم پارێزگایە بکەنەوه و دەستی مرۆڤ دۆستانەی خۆتان لە ئاوەدانکردنەوە پارێزگاکەمان و لە بونیادنانەوەی زیاتری سیمای شارستانی و لە چەسپاندنی بەهاکانی دیموکراسی و لە هەوڵدان بۆ ئاشتی و ئارامی و پێکەوە ژیان بکەنە دەستپێکی ساڵی نوێتان و درێژە به و کارە مێژووییەی خۆتان بدەن، کە خۆی لە ئاوەدانکردنەوەی ماددی و مەعنەویدا دەبینێتەوە تا ئێمەی خەڵکی پارێزگای هەڵەبجە بەگشتی و هەموو هاووڵاتییانی دەڤەرەکە بەتایبەتی دڵخۆشبین بەهاوکاری و بەتەنگەوە هاتنتان، هاوکات ئێوەش چی وەک دەولچەتانی دەست ڕۆشتوو و خاوەن نفوز و چ وەک ڕێکخراوە حکومی و ناحکومییەکان هاوشانی وڵاتانی وەک کۆماری ئیسلامی ئێران و کۆماری تورکیاو وڵاتانی ژاپۆن و ویلایەتەیەکگرتووەکانی ئەمریکاو یەکێتی ئەوروپاو ئەڵمانیاو فەرەنساو ئیتاڵیاو کۆریای باشور لەرێگەی ڕێکخراوە خزمەتگوزارو مرۆڤ دۆستەکانەوە جێگە دەستتان لە سارێژکردنی برینەکانی ئەم شارەدا دیاربێت، چونکە بێ دەنگییەکانی کۆمەڵگای نێودەوڵەتی لەسەر کارەساتی کیمیابارانکردنی هەڵەبجە لە 16-3-1988 تا ساڵی 1992 سەرباری ئەوەی کە گوناهێکی گەورەبوو، کە ئۆباڵەکەی لە ئەستۆی کۆمەڵگەی نێودەوڵەتیدابوو هاوکات غەدرێکی گەورەش بوو لە گەلی کوردستان بەگشتی و هاووڵاتییانی بەشمەینەتی پارێزگای هەڵەبجە بەتایبەتی کرا، بۆیە ئەمڕۆ بە هەماهەنگی و هاوکارییە مرۆییەکانتان لەبوراکانی پەروەرده و ئاوەدانکردنەوه و سێکتەرەکانی کشتوکاڵ و گەشت و گوزارو هەتا دوایی هاوکات زەمینەسازی بۆ گەشەکردنی فیکری دیموکراسی کە خۆی لە پەروەردە کردنی بوارەکانی مەعریفی و کلتوریدا دەبینێتەوە بە ئەرکێکی زۆر پیرۆزو هەنوکەیی دەزانین و هیواخوازین بە ڕاکێشانی دەستی خێرو پڕ ئاوەدانیتان قەرەبووی ئه و بێ دەنگییەی دوێنێتان بکەنەوه و ئاوڕێکی جددی لە خەڵکی پارێزگای هەڵەبجە بدەنەوە، دڵنیاشتان دەکەین ئێمەی گەلی کوردستان و حکومەتی هەرێمی کوردستان بەگشتی و ئێمەی دانیشتوانی پارێزگای هەڵەبجە بە تایبەتی کە بە پایتەختی ئاشتی ناسراوە لە ئاست هەر هەنگاوێکی خێری ئێوەدا بەوەفابین و بە قەدرو ڕێزەوە لە کارەکانتان بڕوانین و لە ویژدانی یەک بە یەکی تاکەکانی ئەم پارێزگایەدا تامێژووماوە بە نەمری بمێنێتەوه و بۆ هەر کارێکیشتان ئازادن بە هەر ناوێک و لە هەر ناونیشانێکدا ئەنجامی بدەن کە خۆتان خوازیارن و لەلای ئێمەشەوە دڵنیاتان دەکەین کە بێ جیاوازی جێگەی لەدڵی سەرجەم تاکەکانی ئەم پارێزگایەدا بکاتەوه و لە ئینسکلۆپیدیای شاردا ئاماژەی بۆ بکرێت تا سبەی ڕۆژ نوێنەرانی وڵاتان و کەسانی گەڕیده و مرۆڤ دۆستانی دونیا سەردانی پارێزگای هەڵەبجەیان کردو چاویان به و کارانەی ئێوە کەوت دەستخۆشیتان لێبکەن و بە ڕێزەوە لە کارەکانتان بڕوانن هاوکات ببێتە پرسیارو گومانیش لایان و بڵێن بۆچی جێگە دەستی ڕێکخراوە مرۆڤ دۆستان و دەستی حکومەتی وڵاتەکەی خۆمان لێرە نییە، تا بتوانرێت بە هیمەتی هەموولایەک ئەوانیش کارێک ئەنجامبدەن کە شتێک له و قەرزەی هەڵەبجه و کەسوکاری شەهیدانی هەڵەبجەبەسەر کۆمەڵگای نێودەوڵەتییەوە هەیەتی با بەڕێژەیەکی کەمیش بێت بدرێتەوه و دیارە بەم کارە ئێمه و ئێوه و سەرجەم مرۆڤ دۆستانی دونیا ویژدانمان ئاسوده و ئایندەمان پڕ خێرو خۆشی دەبێت، بەهیوای ئاوڕی جددی لە پارێزگای هەڵەبجە، بەهیوای ڕاکێشانی زیاتری دەستی خێرخوازانەتانین..
بژی هەڵەبجە.. بژی ئاشتی... بژی ئاوەدانی..
#16-01-2019#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,676