ئەمینداری گشتیی #وەزارەتی پێشمەرگە# ئاشکرای دەکات، کە لە سەرەتای ساڵی 2015ەوە تاوەکو کۆتایی 2018، سوپای تورکیا 398 جار بە فڕۆکە و 425 جاریش بە تۆپ بۆردوومانی ناوچە سنورییەکانی هەرێمی کوردستانی کوردووە.
جەبار یاوەر، ئەمینداری گشتیی وەزارەتی پێشمەرگەی حکومەتی هەرێمی کوردستان، لەبارەی بۆردوومان و تۆپبارانەکانی دەوڵەتی تورک بۆ سەر خاکی باشوری کوردستان، بۆ دەنگی ئەمریکا دواوە.
جەبار یاوەر، ئاشکرای دەکات، کە لە1-1-2015وە تاکو 31-12-2018 دەوڵەتی تورک 398 جار بە فڕۆکەی جەنگیی بۆردوومانی ناوچە سنووریەکان و گوندەکانی هەرێمی کوردستانی کردووە، هەروەها 425 جار تۆپبارانی ئەو ناوچانەی کردووە، لە بۆردوومان و تۆپبارانانەشدا 288 گوند کراونەتە ئامانج.
ئەمینداری گشتیی وەزارەتی پێشمەرگە، ئەوەشی وتووە: بۆردوومان و تۆپبارانی سنوورەکانی هەرێمی کوردستان لە لایەن سوپای تورکیاوە چ لەڕێگای فڕۆکە جەنگییەکانیانەوە یاخود تۆپخانەکانیانەوە، هەندێک جار-یش لەلایەن هێزە زەمینییەکانیانەوە، بووەتە مایەی زیان گەیاندن بە هەموو ناوچە سنوورییەکان، کە درێژییەکەی زیاترە لە700 کیلۆمەتر.
جەبار یاوەر، ئەوەشی خستووەتەڕوو، کە بۆردوومان و تۆپبارانەکانی سوپای تورکی، بووەتە هۆی ڕووخان و چۆڵکردنی گوندەکان و ڕووخاندی نەخۆشخانە، خوێندگا، ڕێگاوبانەکان، پرد و شەهیدکردنی خەڵکی مەدەنیی.
بەوتەی ئەمینداری گشتیی وەزارەتی پێشمەرگە: هیچ ڕێککەوتنێکی فەرمی لە نێوان حکومەتی عێراق و تورکیا نییە، بۆڕێگادان بەو هەموو پێشێلکارییە ئاسمانیی، بۆردوومانی تۆپخانە و هێز هێنان بۆ ئەو ناوچانە.[1]
#27-01-2019#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,509
Escriba su comentario sobre este artículo!