دواڕۆژ، کۆچەر عەلی
وتەبێژی دەستەی گەشتوگوزاری هەرێم ڕایدەگەیەنێت: بەبۆنەی پشووی نیوەی ساڵەوە 26 هەزار گەشتیاری عێراقی سەردانی هەرێمی کوردستانیان کردوە.
نادر ڕۆستی، وتەبێژی دەستەی گەشتوگوزاری هەرێم بە دواڕۆژی ڕاگەیاند: بەبۆنەی پشووی نیوەی ساڵ لە قوتابخانەکانی عێراق لە ڕۆژانی 1و 2ی شوبات، زیاتر لە 26 هەزار گەشتیار بۆ بەسەربردنی پشووەکانیان هاتوونەتە هەرێمی کوردستان.
وتیشی: لەڕۆژانی دواتر هاتنی گەشتیاران بەردەوامبووە کە بووەتەهۆی جوڵەیەکی باش بۆ بازاڕەکانی هەرێم.
ئاماژەی بەوەشکرد: ساڵی ڕابردوو زنجیرەیەک کۆبوونەوە لەنێوان دەستەی گەشتوگوزاری هەرێم و عێراق و کۆمپانیا گەشتیارییەکان ئەنجامدراون بۆ داڕشتنی پلانی گەشەپێدانی کەرتی گەشتیاری و ئەمساڵیش پلان دانراوە ڕێژەی هاتنی گەشتیاران بۆ ناو هەرێمی کوردستان زیاتر بکرێت بەراورد بە ساڵی پار، چونکە ساڵ لە دوای ساڵ شوێنە گەشتیارییەکانی هەرێم زیاتر بە دیار دەکەون و ناوبانگ دەردەکەن لە وڵاتانی تر.
روونیشیکردەوە: کاتێک گروپی گەشتیاری دێنە هەرێم ڕێبەرێکی گەشتیارییان پێدەدەرێت، بۆ ئەوەی بتوانن بە ئاسانی شوێنە گەشتیارییەکانیان پی ئاشنا بکرێت و لەناوخۆشدا هاوکاری زۆری گەشتیاران دەکرێت و لە ڕووی ئەمنیشەوە پارێزراو دەبن کە لایەنێکی گرنگە بۆ ئەوەی گەشتیار زۆرتر سەردانی هەرێم بکەن.[1]
#06-02-2019#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,179
Escriba su comentario sobre este artículo!