دواڕۆژ، ئاکۆ حەمەد ڕابی
بەپێی ئامارێکی تایبەت لە سەرەتای ساڵی نوێوە تاکو (رۆژی پێنجشەممە 21ی شوباتی 2019)، 50 #کۆڵبەر# لەناوچە سنورییەکانی نێوان باشور- ڕۆژهەڵات و باکوری کوردستان بوونەتە قوربانی.
عەدنان ڕەشیدی، ئەندامی کۆمەڵەی مافی مرۆڤی کوردستان (ئەمڕۆ هەینی 22ی شوبات) بەدواڕۆژی وت: لەسەرەتای ئەمساڵەوە تائێستا 50 کۆڵبەر بوونەتە قوربانی و لەنێویاندا 13 کۆڵبەر گیانیان لەدەستداوە و 37 کۆڵبەریش بریندار و کەمئەندام بوون، هەشیانە هەردوو قاچ، یان قاچێکی لەدەستداوە.
ئاماژەی بەوەشدا: کە کۆڵبەرەکان زۆرینەیان بە تەقەی ڕاستەوخۆی هێزە ئەمنییەکانی ئێران بوونەتە قوربانی، هەندێکیشیان لە سەرمادا ڕەقبوونەتەوە یان بەهۆی پێدا تەقینەوەی مین یاخود هەڵدێران لە شاخ بوونەتە قوربانی.
رەشیدی ڕوونیشیکردەوە: کە سەرجەم کۆڵبەران لە نێوان ناوچە سنورییەکانی ڕۆژهەڵات - باشور و باکوری کوردستان بوونەتە قوربانی و هەمووشیان خەڵکی شارە جیاوازەکانی ڕۆژهەڵاتی کوردستان بوون.[1]
#22-02-2019#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,357
Escriba su comentario sobre este artículo!