حکومەتی هەرێمی کوردستان لە ماوەی 11 ساڵدا (2008 - 2019) بڕی زیاتر لە 154 ملیار دینار پارەی بەکۆمپانیاکانی کۆکردنەوە و فڕێدانی خاشاک داوە بۆ پاککردنەوەی شاری #سلێمانی#.
رەمەزان نامیق، ئەندامی ئەنجومەنی پارێزگای سلێمانی ئەمڕۆ 8ی تشرینی دووەمی 2019 بە دواڕۆژی ڕاگەیاند: لەساڵی (2008)ەوە تا ئەمساڵ تەنیا بۆ ناوشاری سلێمانی، حکومەتی هەرێمی کوردستان بڕی زیاتر لە 154 ملیار دینار پارەی بە کۆمپانیاکان داوە بۆ کۆکردنەوەو فڕێدانی زبڵ و خاشاک، جگە لەقەزا، ناحیەکان و هەردوو ئیدارەی #گەرمیان# و #ڕاپەڕین#.
ناوبراو ڕوونیکردەوە: هەموو مانگێک نزیکەی بڕی یەک ملیار و 500 ملیۆن دینار پارە بە کۆمپانیاکانی ناوشاری سلێمانی بۆ فڕێدانی زبڵ و خاشاکی ماڵان دەدرێت، تەنیا لە شەش مانگی سەرەتای ئەمساڵیشدا (2019) بڕی نۆ ملیار دینار سەرفکراوە بۆ چوار کۆمپانیای فڕێدانی زبڵ و خاشاک تەنیا بۆ ناو شاری سلێمانی واتە لەسنووری بەکرەجۆ و تاسڵوجە تا نزیکی بازگەی #عەربەت#.
جێی ئاماژەیە لەناوەڕاستی هەفتەی ڕابوردوودا (04-11-2019) کاوە عەلی، جێگری سەرۆکی شارەوانی سلێمانی لەکۆنگرەیەکی ڕۆژنامەوانیدا ڕایگەیاند: لەسەر داوای ئەنجومەنی وەزیرانی هەرێم بڕیاریان داوە لەسەرەتای ئەم مانگەوە (01-11-2019) پارەی کۆکردنەوە و فڕێدانی خاشاک لەهاووڵاتیان وەربگیرێت، بۆ هەر ماڵێک مانگانە پێنج هەزار دینارە.[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,125
Escriba su comentario sobre este artículo!