Rudaw Research Center
مرکز دراسات ڕووداو[1]
ڕووداوە ئاڵۆز و دینامیکەکانی رۆژهەڵاتی نێوەڕاست کاریگەرییەکی راستەوانەیان لەسەر دۆزی کورد هەیە و ئەمەش، تێگەیشتن و وردبوونەوەی زیاتر لەوانە وەک پێویستییەک دەردەخات. لەوڕووەشەوە ناوەندی لێکۆڵینەوەی رووداو کە بەشێکی تۆڕی میدیای رووداو، گەورەترین تۆڕی میدیایی هەرێمی کوردستانە، وەک هەوڵێک بۆ پڕکردنەوەی بەشێک لەو نوقسانییەی کە سەبارەت لێکۆڵینەوەکانی رۆژهەڵاتی نێوەڕاست لە هەرێمی کوردستان هەیە، لە ساڵی 2016 دامەزراوە.
ناوەندی لێکۆڵینەوەی رووداو هەوڵدەدات سەرچاوەی
زانیاری و شرۆڤەکانی سەبارەت بە رووداوەکانی کوردستان
و رۆژهەڵاتی نێوەڕاست فراوان بکات و ئەمەش بە نوخبەی
سیاسی و ئەکادیمی هەرێمی کوردستان بگەیەنێت.
ناوەندی لێکۆڵینەوەی رووداو هەوڵدەدات سەرچاوەی زانیاری و شرۆڤەکانی سەبارەت بە رووداوەکانی کوردستان و رۆژهەڵاتی نێوەڕاست فراوان بکات و ئەمەش بە نوخبەی سیاسی و ئەکادیمی هەرێمی کوردستان بگەیەنێت. لەڕێی تۆڕێکی فراوانی لێکۆڵینڤانان و سیاسیی و شرۆڤەکارانی هاوکاری خۆیەوە لە کوردستان و ناوچەکە، هەروەها لەڕێی بەستنەوەی ئەزموونی سیاسی و توانای ئەکادیمی و شۆڕکردنەوەی روانگە تیۆرییەکان بۆ واقیعی رووداوەکان، هەوڵی هەڵسەنگاندنی بابەتییانەی رووداوەکان و پێشکەشکردنی پێشنیاری کردەنی بۆ نوخبەی سیاسی و بڕیارسازی هەرێمی کوردستان دەدات.
جگەلەوە، لەڕێی فراوانکردنی تۆڕی پەیوەندییەکانی لەگەڵ سیاسی و ئەکادیمی و رۆژنامەڤان و چالاکڤانانی کۆمەڵگەی مەدەنی وڵاتانی دیکەشەوە، دەرفەتی گەشەپێدانی پەیوەندی، ئاڵوگۆڕی بیروڕا و گەیاندنی دیدگایەکی کوردستانی سەبارەت بە رووداوەکانی ناوچەکە بە دنیای دەرەوەش دەڕەخسێنیت. [2]
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 4,350
Escriba su comentario sobre este artículo!