میانگەو چاپەمەنی و یاونەری هێزەکێ پارێزنای گەلی-#هەپەگە# جە ئەرەیاونایێوەنە ئاشکراش کەرد:
هێزەکێمان جە بەردەوامی هەڵمەتەو شۆڕشگێڵی سەرکەوتەیەنە کە جە ئیالەتو سەردحەد-ی دەستشان پنەکەردەن، دژ بە ئەرتەشە ئەرەگێرەکەو تورکیای دووێ چالاکیێ گاریگەرشێان ئەنجامێ دێنێ و گورزی قورسشان جە ئەرتەشەکەی دانەوە.
جەی چوارچێوەنە جە 21و ئاداری یەکەمین ڕۆو نەورۆزی سەعات 09:45 دەیەقی سەرسەبای، جە ناوچەو بایەزید-ی سەر بە پارێزگاو ئاگری گەریلاکێمان زرێپۆشێوی نەفەربەری لەشکری دوژمنیشان کەردەن ئامانج و جە ئاکامشەنە زرێپۆشەکەشان تەقنانەوە و دلێنەبەردەن. هامکات دژ بە هێزێوی لەشکەری کە گەرەکش بێ بە هاناو زرێپۆشەکەیەوە بەیۆنە چالاکیشان ئەنجام دان. جە هەر دوێ چالاکیەکێنە سەرجەم سەرنشینەکێ زرێپۆشەکەی و چەنڎین سەربازێ هێزەکەی کوشیێنێ و ژمارێوتەرێ بریندارێ بیێنێ و بە گردیی کوشیای 24 سەربازێ ڕژێمی پەشتڕاست کریانەوە.
دمای چالاکیەکەی گەریلاکێمان بەبێ زیان و بە سڵامەتی گێڵێنێوە بنکێ و بارەگاکێشان.
17و ئاداری، ماشینێوی لەشکری ڕژێمی کە جە لەشکرگە ڤەداد ئۆزکایا-یەوە ڕوو بە شارچەو بایزید-ی لوێنە، گەریلای کەردەن ئامانج و جە ئاکامشە سەربازێو کوشیان.
20و ئاداری سەعات 17:30 دەیەقێ ئێوارەگای، باڵەپڕە جەنگیەکێ ڕژێمە ئەرەگێرەکەو تورکیا هەرێمکێ زێ، ئاڤاشین، زاپ و خاکورک-یشان بەچڕی بۆردومانێ کەردێنێ. بەڵام بۆردومانەکێ زیانێ گیانیێشان نەبیێنێ.[1]
#22-03-2020#
Este artículo ha sido escrito en (هەورامی) Lenguaje, haga clic en el icono de
para abrir el artículo en el idioma original!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Este artículo ha sido visitado veces 2,956
Escriba su comentario sobre este artículo!