هاتنەوەی جەژنی سەری ساڵی ئێزیدی چوارشەممەی سور لە هەموو لایەک پیرۆز دەکەم، بە هیوام ئەم بۆنەیە کە لە ناوەڕاستی نیسانی بوکی بەهار و وەرزی نوێ بوونەوە و ئاوەدانیدایە، سەرەتای تێپەڕاندنی ئەو دۆخە نائاساییەی بڵاوبونەوەی نەخۆشی کۆرۆنا بێت کە خۆ پارێزی و دوورەپەرێزی کۆمەڵایەتی لەسەر هەموومان پێویست کردووە.
خوشک وبرایانی ئێزدی بەشێکن لە دیرۆک و دیوێکیتری شوناسی کوردستانی جۆراوجۆر و فرەچەشنن، ئەم پێکهاتەیە لە مێژووی خۆیاندا نەهامەتی و ماڵوێرانی زۆریان دیوە کە دواترینیان لەسەر دەستی #داعش#ی تیرۆریست بوو بەر لە شەش ساڵ، ئاساییکردنەوەی ژیان و گوزەرانیشیان ئەرکی سەرشانی هەموومانە و هەموو پاڵپشتییەکی لێ دەکەین و پێوەی پابەندین.
هەموو کاتێکتان جەژن بێت و جەژنەکانتان پڕ لە خۆشی و شادی بێت.
#قوباد تاڵەبانی#
جێگری سەرۆکی ئەنجومەنی وەزیران
#14-04-2020#
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,497