گەریلاکانی #هەپەگە# و یەژاستار لە ئاڤاشین، خواکورک و چەلێ گورزیان لە دەوڵەتی تورک وەشاند و زیاتر لە 6 سەربازی سوپای داگیرکەریان کوشت.
ناوەندی ڕاگەیاندن و چاپەمەنی هێزەکانی پاراستنی گەل (هەپەگە) لەبارەی چالاکیەکانیەوە ڕاگەیەنراوێکی بڵاوکردەوە.
لە ڕاگەیەندراوەکەدا هاتووە لە چوارچێوەی هەنگاوی شۆڕشگێری شەهید باگەر و شەهید ڕۆنیادا، لەدژی سوپای داگیرکەری تورک چالاکی ئەنجامدران کە چالاکییەکان بەمشێوەیە بوون.
لە 22ی ئایار هێزەکانمان کاتژمێر 17:30 لە هەرێمی ئاڤاشینی سەر بە هەرێمەکانی پاراستنی مەدیا لەدژی سەربازانی داگیرکەر لەسەر گردی تەپێ خودێ ڕیزەچالاکیان ئەنجامدا لە چالاکیەکەدا 2 سەرباز کوژران هەمان ڕۆژیش کاتژمێر 18:10 هێزەکانمان یەژاستار لە هەرێمی خواکورک لەدژی داگیرکەران لەسەر گردی لێلکان چالاکیان ئەنجامدا و گورزی گەورەیان لە سەنگەرەکانی دوژمن لەسەر گردەکەدا، سەنگەرەکان بە تەواوی لەناوبران و 4 سەرباز کوژران، سوپای داگیرکەری تورک دوای چالاکیەکە بە فڕۆکەکانی شەڕ هەرێمەکەیان بۆردومان کرد، بۆردومانەکە زیانی بۆ باخ و باخچەی دانیشتووانی هەرێمەکە هەبوو.
هەروەها لە 23ی ئایار کاتژمێر 17:00 هێزەکانمان لە ناوچەی چەلێی جۆلەمێرگ لەدژی داگیرکەران لەسەر گردی شەهید باگەر چالاکیان ئەنجامدا، گورزی گەورەیان لە سەنگەر و پەناگاکانی دوژمندا، بەڵام ژمارەی سەربازە کوژراو و بریندارەکانی دوژمن نەزانراون.
لە 23ی ئەم مانگەش فڕۆکە جەنگیەکانی دەوڵەتی تورک هێرشیان کردە سەر هەرێمەکانی پاراستنی مەدیا، کاتژمێر 10:30 گوندی گرە و ئیزانکەی هەرێمی گارە، کاتژمێر 11:30 گۆڕەپانی سنینێ هەرێمی خواکورک، کاتژمێر 11:40 گۆڕەپانی کانیسارکێ، ئەشکەفتی برینداران و کوروزاهرۆی هەرێمی زاپ و کاتژمێر 15:30 گردی هاککاری هەرێمی مەتینا بۆردومان کرد.
هەپەگە ڕاشیگەیاندووە بۆردومانەکە زیانی بە هێزەکانمان نەگەیاند.[1]
#24-05-2020#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,306
Escriba su comentario sobre este artículo!