لە چالاکیی گەریلا دژی سوپای داگیرکەری تورک لە ناوچەی ئەلباکی #وان#، بە لانیکەمەوە سێ سەربازی دوژمن کوژران، لە هەفتانینیش فڕۆکەیەکی بێفڕۆکەوان خرایەخوارەوە.
ئەمڕۆ ناوەندی ڕاگەیاندنی هێزەکانی پاراستنی گەل- #هەپەگە#، لەسەر چالاکیی گەریلاکانی لەناوچەی ئەلباکی وان، دژی سوپای داگیرکەری تورک ڕاگەیەندراوێکی بڵاوکردەوە.
لەڕاگەیەندراوەکەدا هاتووە: لە چوارچێوەی هەنگاوی تۆڵەکردنەوەی شەهید مەدیا ماوا و شەهیدڕزگار گەڤەر، هێزەکانمان ڕۆژی3ی ئەم مانگە کاتژمێر06:40 خولەکی ئێوارە، لە ناوچەی ئەلباکی وان دژی ئۆتۆمبێلکیکی سوپای داگیرکەری تورک، کە لە بنکەی قەڵای ئەسمەر بەرەوە بنکەی خەلکاوا دەچوو، چالاکییان ئەنجامدا، لە چالاکییەکەدا گورز لە ئۆتۆمبێلەکە درا و ئەوەندەی بۆمان ڕوون بووەتەوە، سێ سەربازی دووژمن کوژران.
هەروەها هاتووە: ڕۆژی یەکی ئەم مانگە کاتژمێر 03:00ی دوانیوەڕۆ، لە ناوچەی هەفتانین لە هەرێمەکانی پاراستنی مەدیا، فڕۆکەیەکی بێفڕۆکەوان کە بەسەر گردی پارتیزان-دا دەسوورایەوە لەلایەن هیزەکانمانەوە خرایە خوارەوە.
لەسەر هێرشە ئاسمانییەکانی سوپای داگیرکەری تورکیش هاتووە: ڕۆژی 2ی ئەم مانگە کاتژمێر 09:00 بۆ 10:00ی شەو، فڕۆکە جەنگییەکانی سوپای داگیرکەری تورک، دەوروبەری گوندی فلەحا لە زاپیان بۆردوومانکرد، هەروەها ڕۆژی 3ی ئەم مانگەش مەیدانی کانی سارک و کوڕەژارۆ لە زاپ، تەپی شەهید حەمزە لە هەفتانین و مەیدانی شەهید دیران لە ئاڤاشین بۆردوومانکراون.[1]
#04-06-2020#
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,812
Escriba su comentario sobre este artículo!