دەقی پەیامی سازمانی خەباتی کوردستانی ئێران:
بە داخەوە کاک جەلیل گادانی کەسایەتی دیاری ڕێگەی کوردایەتی و ئازادیخوازی کۆچی دوایی کرد. کاک جەلیل گادانی نزیک بە حەوت دەیە ژیانی خۆی تەرخان کردن بۆ خزمەت بە خەباتی مافخوازانەی گەلی کورد لە کوردستانی ئێران و خەباتی ڕەوا لە بەرانبەر ڕژیمی دیکتاتۆری ئاخوندەکان لە ئێراندا. کاک جەلیل گادانی هەمیشە باوەڕی وابوو نابێ لە گەڵ دەسەڵاتی ئاخوندەکان لە ئێران ووت وێژو دانوستان بکرێ و باوەڕی بە خەباتی شێلگیرانە بۆ گەیشتنی کورد بە مافەکانی بوو، هەروەها باوەڕی وابوو، ڕوخانی یەکجاری دەسەلاتی دیکتاتۆری لە ئێران چارەسەرێکی بنەڕەتیە.
سازمانی خەبات ی کوردستانی ئێران کۆچی دوایی کاک جەلیل بە زیان بۆ جوڵانەوەی مافخوازنەی کوردستان و شۆڕشی ڕەوا لە بەرانبەر دەسەڵاتی ئێران دەزانێ. بە بۆنەی کۆچی دوایی کاک جەلیل گادانی تێکۆشەری دێرینی گەلی کورد، بابەشێخ حوسەینی سکرتێری گشتی و سەرکردایەتی سازمانی خەبات و تێکڕای هاوباوەڕانی سازمانی خەبات ی کوردستانی ئێران سەرەخۆشی بە خانەوادەی کاک جەلیل و هەواڵانی لە حیزبی دیموکراتی کوردستان ڕادەگەێنین و لە غەم وپەژارەیاندا بەشدارین.
سازمانی خەبات ی کوردستانی ئێران 16 ی گەلاوێژی 1399 کۆچی خۆری[1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,446
Escriba su comentario sobre este artículo!