رۆن لە پیاو بسێنە و گەنم لەژن
بەدەستهێنانی شت و مەک بۆ پڕکردنەوەی پێداویستی مرۆڤ ماندووبونی دەوێت و لەخۆڕات وەدەست ناکەوێت، ئه و کەسەی هەوڵ و کۆششی بۆ دەکات و ئارەقەی بۆ دەڕێژێت هەر ئەویش نرخەکەی دەزانێت، وەکو وتراوە نرخی زێڕ لای زێڕینگرە ئه و ئیدیۆمەی سەرەوەش مەبەست لێی نرخ دانانە بۆ شتەکان، ئه و کەسانەی کە شتێک بەدەست دێنن یان بەکاری دەهێنن زیاتر بایەخ و بەها و نرخەکەی دەزانن وەک لە خەڵکانیتر بەنمونە پیاو کەیبانوو نییە و نازانێت نرخ و بەها و گرنگی(ڕۆن) چەندە؟ بۆیە هەرزان فرۆشی دەکات، ژنیش زەوی ناکێلێت و دروێنە و خەرمان کوتان و شەن و که و ناکات بۆیە کڕێنی(گەنم) لە ژن هەرزانتر دەکەوێت وەک لە پیاو بۆیە کورد بۆ گرنگی نرخی هەر شتێک بەتەوسەوە وتویەتی(رۆن لە پیاو بسێنە و گەنم لەژن) واتە ئه و دووانە لەبەر ئەوەی بەکاری ناهێنن یان بەرهەمی ناهێنن نرخەکانیان نازانن بۆیە وتراویشە(نرخی زێڕ لای زێڕینگرە).[1]
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,208
Escriba su comentario sobre este artículo!